有口福

營業中

休息中

爸爸好鍾意食酸菜魚水煮魚，所以今日再帶佢嚟九龍城食飯，一入到餐廳，冷氣超級涼爽，去食啦必備嘅環境。泡椒豬手$50這一碟前菜其實份量很多，豬手爽口，但又唔會話好硬。鹹鹹地，辣辣地。辣味好似激，梁浸浸口感清新。家鄉炒米粉$68以為好似平時酒樓嘅家鄉炒米粉咁，一食落去就覺得驚喜十足。米粉炒得好乾身，有蛋香，入邊嘅午餐肉亦都有爆香過。食完一啖接一啖，真心好出色，感謝老闆推介。茄角之戀$58我好鍾意食魚香茄子煲，呢個可以滿足我嘅願望。茄子吸收晒醬汁嘅味道，豆角增加菜式嘅口感，十分爽脆。水煮魚$188（小辣） 鴨血 $58 萵筍$40水煮魚我哋唔係好食得辣，所以千叮萬囑老闆要小辣。上枱嘅時候聞到一陣香氣，爸爸都勁嘆碟魚份量好大。魚嘅份量很多，而且好滑。本身水煮魚入邊有薯粉，芽菜，吸收醬汁。鴨血好滑，帶有少少QQ感覺，萵筍亦都做好好友本分及手湯汁。