Yardbird

營業中

休息中

Yard Bird，一間著名食串燒雞既食店，串燒只做燒雞，不同部位都有提供，呢方面的確幾厲害，雞前列腺都有🤔 食之前已經上網看過好多次佢既訪問報導，用備長炭燒，主要分三個爐做唔同燒法。滿心期待食到極美妙燒雞，星期五晚來到，人係非常多既，位就無，唯有立食。每串平均價錢係$45-48左右，部位選擇係多，但係味道方面選用左太多花巧嘢，反而比正正經經日式串燒既汁燒/鹽燒更差。串燒方面，雞翼我係極度喜歡食品之一，日式串燒雞翼係會將雞翼咁扁先燒，但呢到選用非常細隻既雞翼來做，變得更加細，食落口感唔好。最好食既就係meetball，免治雞肉棒配醬油雞蛋，味道非常好，而且因為雞蛋質素高，食落蛋味濃。以上評價係基於如此名店及價錢配以高expectation之說。如果憋除名氣店及不計較價錢來說，的確絕對一試，品質絕對係中高位置。