小城知味 (德福廣場1期)

營業中

休息中

响九龍灣，發現多咗唔少新食店開張，見呢日又唔算勁肚餓，希望簡簡單單食個晚飯就好，睇過門口的餐牌，感覺很合心意，所以入去試試吧~入到店內，食客可真不少，唔知係咪同樣都係入來試新嘢呢？雖然座位排得比較密，要坐得親近 D，不過燈光很猛，座位也排得很整齊，加上一直播著台灣歌曲，感覺也很親切。店內提供主餐單和晚市套餐，價格十分親民。於是我們各點了一個晚市套餐，加配 白飯、例湯、飲品。而飲品都唔係一般的凍檸茶、凍檸水... 之類的東西，而是多款豆漿選擇。椰汁豆漿 (熱)椰汁味好香，同豆漿好夾，而且是甜甜的滑滑的。夠薑熱豆漿果然係好夠薑，平時飲開的薑味飲品只係得個味，而呢杯係有一片片薑浮在表面，而且薑味濃郁。山東蒜香蝦蝦肉無論聞落食落都好香，蒜香同埋葱是非常入味，用來送飯真係好搭配。鮮菠蘿糖醋魚他知道我一直喜歡食糖醋魚，呢次見到就立刻點俾我食。糖醋魚軟硬適中，配埋菠蘿同埋煮汁，味道酸酸甜甜，十分開胃，也是送飯又一之選。