八不·壽喜燒

營業中

休息中

1人份「肉香の追求」和牛封門柳壽喜燒套餐 $288店員好溫柔，會幫手落壽喜燒汁，燒咗京蔥先，仲會教我哋點樣燒🫶封門柳油脂分布平均，肉質好鮮嫩，配上壽喜燒汁，更突出封門柳既味道，記得牛肉好快就熟，唔好擺太耐，之後再擺落攪勻咗嘅日本蛋，口感好豐富，整體恰到好處，牛肉香濃而唔會鹹重🤤配菜都發揮佢嘅作用，令牛肉增添清香既味道。如果覺得壽喜燒汁太濃郁，都可以加少少高湯(原意係為咗煮野菜而落，但我地之後比較隨心就亂嚟😂)，等啲汁吸到差唔多，再放返肉落去。野菜拼盤嘅份量都唔少，有啲都係煮壽喜燒時落埋落去，包括南瓜、冬菇，都幾入味。蔬菜就最後加高湯落去煮埋，都有鮮甜嘅味道🥳追加美國安格斯/Prime頂級(板腱） 100g +$98老實講，追加就係為咗飽肚，始終我哋都係兩個人去食🙈 佢個份量都足夠，肉質對比封門柳會有少少韌 (和牛太正🙊)，但一樣都重牛味同嫩👍🏻追加日本蛋一隻 +$10好彩追加咗，可以同朋友一人一隻蛋😙稻庭烏冬 $58驚兩個人唔夠食，嗌多個烏冬，烏冬q彈，爽口，唔加汁都有味，加埋感覺都係幾清爽👏🏻 未返得鄉下，但又想平價感受日本食壽喜燒嘅感覺，都可以嚟呢度體驗一下💕結論🫰環境、服務及味道