更多
2024-09-27
495 瀏覽
今日係老婆生日,啱啱最近佢提到想食和牛,打算喺佢生日嗰日帶佢去食和牛。之前經過好兄弟介紹,話呢間荃灣嘅【和牛燒肉一郎】好正,覺得好兄弟唔會老點我,就預約咗同老婆去撐檯腳。呢度環境好乾淨,地方又舒服寬敞,好啱帶家人嚟食飯。我哋點咗放題Set F,有152款餸任食。【黑毛和牛六款】有唔同嘅和牛部位,每款肉都有唔同嘅口感,油脂分佈亦唔一樣,所以燒出嚟嘅層次都唔同。我自己特別鍾意一口牛,油脂香濃,口感非常滑嫩。【極上夏多布里昂】呢款係頭盤黎,油脂雪花非常誘人,配埋嘅醬汁為牛肉提鮮,香味更加濃郁。再搭配【極上厚切牛脷】一齊燒嚟食,別有一番風味。除咗和牛仲有海鮮,【青口】、【特大帆立貝】同【特大越南大虎蝦】都好大隻,燒嚟食好過癮。【甲羅燒】再配雞蛋一提起燒,風味十足。【原隻魷魚筒】非常彈牙,又係好大隻好滿足。
呢度環境好乾淨,地方又舒服寬敞,好啱帶家人嚟食飯。我哋點咗放題Set F,有152款餸任食。
張貼