柞木炭家

營業中

休息中

姨甥仔小六放暑假啦⋯⋯準備中一生活。趁住Happy Friday過黎我屋企。順便星期六中午帶佢去食鍾意嘅韓國燒烤。呢間柞木炭家韓國燒烤我已經食過好多次。同埋一個中午嘅份量非常之足夠。我哋三個人去食，每人嗌咗一個set。每個set都會配一個牛肉蛋飯，跟餐叫嘢飲仲非常之抵。所以一個中午嘅份量已經非常之足夠。啲牛可以算係入口都溶。啲雞調味得非常之好味。我姨甥仔都食得好開心。不過餐廳播啲音樂就比較抒情啲會令人哋好眼瞓。如果可以播返一啲輕快小小嘅音樂，同埋啲燈光光光返啲會好啲。因為鍾意影相嘅我，我會覺得好暗。我意想不到就係因為我姨甥仔唔飲得凍嘢，所以特別叫職員拎熱水。點知原來佢哋啲熱水係即叫即煲既熱水。佢嘅前菜都係有一番風味，泡菜係可以自己剪。整體都可以。不過佢嘅午餐真係經濟又實惠。有機會都會試吓佢嘅晚餐。