宴 尖沙咀

前幾日想食自助餐，上網知道咗呢間日本餐廳，啱啱入面有佢哋嘅【松餐放題】，係日式嘅火鍋自助餐。於是就帶我女朋友一齊嚟食。佢哋嘅裝修都係日式嘅，好有日本嘅風格。佢哋呢度嘅湯底係鴛鴦式嘅，分別係醬油湯同豬骨湯。滾出濃濃嘅香味，就忍唔住想快啲落料食。我哋攞咗滿滿一盒嘅和牛肉。食材睇落去就感覺好新鮮，切得好整齊又乾淨。將牛肉放入鍋裏面滾咗之後，散出濃郁嘅味道。一片接一片食就好上癮，咬落去又軟嫩，又好多汁，非常好食。跟住呢個松葉蟹都好好食，好新鮮，肉質鮮甜。滾耐咗令到湯底都變得更加香甜。嗰日我哋食咗好多松葉蟹，非常好食。後尾我哋仲攞咗啲豚肉，佢哋處理嘅厚度啱啱好，煮好咗一口咬落去，配埋香甜嘅湯底，非常好食。嗰陣時食到好飽，好滿足，有機會仲想再嚟。