影片
更多
2023-01-19
361 瀏覽
岩岩係日本返嚟，啲日本癮仲係好勁，一於又去食日本菜！平時都好鐘意食居酒居同海鮮，貪佢咩都有，又有酒飲。今次同朋友嚟咗磯野水產，真係超似係日本啲居酒屋咁，勁有feel！我地咩都想食下，店員推介我地磯野海鮮盛合，入面包括6款海鮮，仲會用6種唔同食法，超級豐富！海鮮包括季節時令鲜魚(1條），松葉蟹腳(1份），醬螺(1隻），帆立貝(2隻），鮑魚(2隻），赤蝦（2隻）刺身響螺先嚟嘅係刺身，響螺好大隻，切片後分量都唔少。非常爽脆同鮮甜。磯煮鮑魚好少食到咁大隻連殼嘅磯煮鮑魚。廚師已經將每隻一開四，方便食用。鮑魚好入味，帶有磯煮後嘅甜，亦都好彈牙。鹽燒喜知次原條燒喜知次，燒得好有火喉。魚香十足，魚邊魚腩位仲充滿油香！魚皮同旗位好香脆，非常有驚喜。黑松露燒帶子黑松露令帶子嘅鮮甜提升！見到店員即席係店中間燒啲海鮮，好有風味又足火喉。帶子好大隻，juicy。群邊位最好食，夠爽彈！天婦羅虎蝦全晚最喜歡嘅一道菜，虎蝦份量十足，蝦味濃郁，蝦肉實而彈牙。炸蝦頭最為驚艷，保留到蝦膏嘅汁同甜，而整個蝦殼都炸到金黃薄脆！輕輕一咬，入口非常鬆化。松葉蟹腳野菜鍋 （+$100）最後加咗錢整返個暖粒粒鍋物，蟹腳加上新鮮野菜，成
平時都好鐘意食居酒居同海鮮，貪佢咩都有，又有酒飲。今次同朋友嚟咗磯野水產，真係超似係日本啲居酒屋咁，勁有feel！
我地咩都想食下，店員推介我地磯野海鮮盛合，入面包括6款海鮮，仲會用6種唔同食法，超級豐富！海鮮包括季節時令鲜魚(1條），松葉蟹腳(1份），醬螺(1隻），帆立貝(2隻），鮑魚(2隻），赤蝦（2隻）
刺身響螺
先嚟嘅係刺身，響螺好大隻，切片後分量都唔少。非常爽脆同鮮甜。
磯煮鮑魚
好少食到咁大隻連殼嘅磯煮鮑魚。廚師已經將每隻一開四，方便食用。鮑魚好入味，帶有磯煮後嘅甜，亦都好彈牙。
鹽燒喜知次
原條燒喜知次，燒得好有火喉。魚香十足，魚邊魚腩位仲充滿油香！魚皮同旗位好香脆，非常有驚喜。
黑松露燒帶子
黑松露令帶子嘅鮮甜提升！見到店員即席係店中間燒啲海鮮，好有風味又足火喉。
帶子好大隻，juicy。群邊位最好食，夠爽彈！
天婦羅虎蝦
全晚最喜歡嘅一道菜，虎蝦份量十足，蝦味濃郁，蝦肉實而彈牙。
炸蝦頭最為驚艷，保留到蝦膏嘅汁同甜，而整個蝦殼都炸到金黃薄脆！輕輕一咬，入口非常鬆化。松葉蟹腳野菜鍋 （+$100）
最後加咗錢整返個暖粒粒鍋物，蟹腳加上新鮮野菜，成個湯非常清甜。
一人叫咗一杯Highball
柚子割燒酎 & 薑汽水割燒酎
非常滿足嘅一餐，食完又好想去日本了！
張貼
