鮨穴

營業中

休息中

話曬都係銅鑼灣時代廣場屬中檔路線嘅日本餐廳，網上睇食評同相都叫吸引先嚟試下。 點G，唉。。。本身畀佢個《迷你丼飯御膳＄268加一》吸引。16款丼飯入面自選兩款。作為海膽控既我，諗都唔使諗 直衝《海膽三文魚飯》加多個《穴子tempura良飯》。 lunch set 附送烏冬或蕎麥麵 、沙律、前菜、甜品。海膽三文魚飯 先上。一望到，圖文不符既喂！ pat海膽水the the，一pat嘢咁。 連你都照騙！ 食落就冇咩嘢嘅，三文魚都係普通三文魚咁囉。食完碗飯食埋個烏冬 ，第二個丼先到。差啲唔記得咗自己叫咗兩個。炸咗咁耐，啲天婦羅未夾都見到冧曬油。一夾，嘩，直情餡皮分離，成條秋葵金蟬脫殼。 雖然嚿穴子係幾好食，但呢個午市價錢，我要嘅天婦羅絕對唔應該係咁嘅水準。食完到埋單，吹咗起碼十分鐘水，準備起身走個甜品先上。係一舊綠茶粉蕨餅，冇咩特別，一啖啪完，相都冇影就走了。