影片
更多
2009-04-26
60 瀏覽
一路都好想去發記食一餐海鮮餐, 一個月前決定約埋一大班朋友入去豪食一番, 當日一行7人, 大約6:50到達, 已經要排隊喔... 等左大約25mins, 終於有位, 一坐低就立刻出去揀海鮮, 見到d海鮮又大隻, 又生猛, 真係已經流哂口水... 點知惡夢開始發生, 山長水遠去到布袋澳, 仲要俾人當 "87" 咁劏, 出名既墨魚剌身; 海膽炒飯, 一律無, 唔係賣哂, 而係人多關係, 廚房唔做, 揀完海鮮, 出到黎又貨不對辨, 肯定俾人偷龍轉鳳, 咁咪即係食佢地set 好左既套餐, 咁我駛咩入黎呀...1) 白灼東風螺 --- ok 啦!!! 因為朋友當中有d唔食辣, 所以無用辣酒煮, 白灼無咩特別... 2) 芝士焗龍蝦 --- 失敗!!! 出去揀既時候, 隻龍蝦好大隻架, 已經係未食之前影, d肉都唔知去哂邊, 味道仲要好普通... (大家唔好忘記我地7個人食, 一人一舊淨肉都無呀), 咁就收我地五舊幾... 3) 清蒸鮑魚仔 --- 可能係最唔需要技巧之作, 反而成功突圍...4) 蛋白蒸蟹 --- 失敗!!! 懷疑佢用錯咸蛋白, 因為都幾咸...5) 豉椒炒聖子 --- 失敗!
點知惡夢開始發生, 山長水遠去到布袋澳, 仲要俾人當 "87" 咁劏, 出名既墨魚剌身; 海膽炒飯, 一律無, 唔係賣哂, 而係人多關係, 廚房唔做, 揀完海鮮, 出到黎又貨不對辨, 肯定俾人偷龍轉鳳, 咁咪即係食佢地set 好左既套餐, 咁我駛咩入黎呀...
1) 白灼東風螺 --- ok 啦!!! 因為朋友當中有d唔食辣, 所以無用辣酒煮, 白灼無咩特別...
2) 芝士焗龍蝦 --- 失敗!!! 出去揀既時候, 隻龍蝦好大隻架, 已經係未食之前影, d肉都唔知去哂邊, 味道仲要好普通... (大家唔好忘記我地7個人食, 一人一舊淨肉都無呀), 咁就收我地五舊幾...
3) 清蒸鮑魚仔 --- 可能係最唔需要技巧之作, 反而成功突圍...
4) 蛋白蒸蟹 --- 失敗!!! 懷疑佢用錯咸蛋白, 因為都幾咸...
5) 豉椒炒聖子 --- 失敗!!! 揀左一人一隻大聖子, 斬件上, 少左好多, 重點係唔好味, 完全無鑊氣...
6) 椒鹽瀨屎蝦 --- 失敗!!! 五大隻長過筆盒既瀨屎蝦, 上到檯居然淨番咁多, 唔通d蝦會自己走左...
當晚仲有一件事發生, 話說我地出去揀海鮮, 見到得番兩隻墨魚, 佢地話只係淨番呢兩隻, 要就快手, 咁我地即刻話要墨魚剌身, 佢就講, 因人多關係, 廚房唔做, 只做椒鹽鮮魷, ok, 咁我地就要左一碟, 坐番埋位, 隔離左右檯檯都有食呢味野, 但走果陣, 兩隻墨魚依然活生生咁係到暢泳, 真係 "R" 爆頭, 唔知我地食果d墨魚係邊度變出黎呢...???
p.s. 所有相都係未食之前影... 加左一碟炒飯, 一碟茶, 六枝汽水, $27xx
張貼
