影片
更多
2024-04-20
534 瀏覽
超伏嘅餐廳，性價比係零首先，唔知幾多好評係膳稿，食完之後發覺Total 22個差評先係反映事實。舖位細，只得唔夠10張枱，晚市只可做一轉，所以佢啲套餐全部都收到好貴，而套餐嘅份量係食唔飽嘅。除咗面價同加一，仲有額外費用要收，星期五六日+28蚊，醬油＆粥每位收15蚊，其實都幾過份。啲豉油得蒜蓉同辣椒揀，連最普通嘅蔥同芫茜都冇。坐低之後會有店員走黎介紹啲套餐，佢只會介紹啲貴餐，例如369蚊同419蚊，佢會不停講419多個龍蝦同麵包蟹，然後加句“唔係一定要食貴啲嘅餐架，只係介紹俾你地聽”，講到好似唔hardsell咁。最後揀咗369個餐，個店員就話晏啲想加龍蝦都得，每人加多50蚊。所有海鮮每人份量都係x1，食嘅野如下：蝦 x1扇貝 x1珍珠蠔 x1刀貝蚌 x1青口 x1膏蟹 半隻鮑魚 x1 (蒸太耐，韌嘅，極度失望)蝦刺身 (openrice訂座送嘅)菜籃 (生菜幾片，娃娃菜兩棵切開，粟米一條開4份)粥 (每人有兩碗，淡，冇味)甜品 (椰汁雪燕，最好食係哩樣)食完以上嘅野，感覺食咗空氣一樣，未至於餓，但絕對食唔飽。海鮮嘅質素冇其他膳稿咁講到幾鮮味＆天上有地下無，其實只係正常發揮。如果海鮮唔係
首先，唔知幾多好評係膳稿，食完之後發覺Total 22個差評先係反映事實。
舖位細，只得唔夠10張枱，晚市只可做一轉，所以佢啲套餐全部都收到好貴，而套餐嘅份量係食唔飽嘅。
除咗面價同加一，仲有額外費用要收，星期五六日+28蚊，醬油＆粥每位收15蚊，其實都幾過份。啲豉油得蒜蓉同辣椒揀，連最普通嘅蔥同芫茜都冇。
坐低之後會有店員走黎介紹啲套餐，佢只會介紹啲貴餐，例如369蚊同419蚊，佢會不停講419多個龍蝦同麵包蟹，然後加句“唔係一定要食貴啲嘅餐架，只係介紹俾你地聽”，講到好似唔hardsell咁。最後揀咗369個餐，個店員就話晏啲想加龍蝦都得，每人加多50蚊。
所有海鮮每人份量都係x1，食嘅野如下：
蝦 x1
扇貝 x1
珍珠蠔 x1
刀貝蚌 x1
青口 x1
膏蟹 半隻
鮑魚 x1 (蒸太耐，韌嘅，極度失望)
蝦刺身 (openrice訂座送嘅)
菜籃 (生菜幾片，娃娃菜兩棵切開，粟米一條開4份)
粥 (每人有兩碗，淡，冇味)
甜品 (椰汁雪燕，最好食係哩樣)
食完以上嘅野，感覺食咗空氣一樣，未至於餓，但絕對食唔飽。海鮮嘅質素冇其他膳稿咁講到幾鮮味＆天上有地下無，其實只係正常發揮。如果海鮮唔係咁樣，間舖應該要執笠。
店員會幫手蒸晒所有嘅野，每蒸一樣都要等好耐，蒸好之後兩啖就食完，又要等佢過黎再蒸。最期待嘅台灣鮑魚，竟然蒸過龍，韌晒，極度失望。同類嘅蒸海鮮，例如鍋心，真係做得出色好多，性價比又高好多。
蒸菜之前，店員再問要唔要upgrade個套餐要埋龍蝦，我地拒絕，因為覺得加咗50蚊多半邊龍蝦同蟹都一樣食唔飽。於是就煮粥，一樣整好耐先有得食。
不得不提佢地嘅店員親切嘅服務態度，真係做多咗。過黎蒸野嘅時候會搭訕我地講緊嘅話題，感覺好怪。如果我地表演好welcome就另一會事，但其實我地係冇乜回應。
4個人，埋單1888蚊，真係去家嫂好過，當租個地方gathering 都坐得唔舒服。
每人472蚊，除番開每隻海鮮都要67蚊，性價比係零，連物有所值都講唔上。
張貼
