禾日

呢餐真係好有驚喜，先講下「精選壽司五貫配稻庭烏冬」，壽司用料新鮮，深海池魚👍👍蟹籽爆口啱晒口感控。炙燒左口魚香氣撲鼻，油甘魚滑嫩，三文魚超級新鮮，值得推介！稻庭烏冬滑溜彈牙，湯底清淡但有層次，好暖胃。跟住係「24漬半熟法式吐司配日本焦糖玉子布丁」，吐司外層微脆，內裡濕潤蛋香濃郁，布丁滑到入口即化，焦糖香甜不苦，甜品控必試！「三丁目炸雞」炸得金黃香脆，唔會油膩，雞肉嫩滑多汁，仲帶少少胡椒香味，配啤酒一定一流。最後，「海鮮日式茶碗蒸」係我心水推介，滑溜蛋羹包住鮮甜蝦仁，湯汁滲入每一口，口感層次分明，暖笠笠好舒服。整體來講，呢餐無論前菜、主食定甜品都保持高水準，擺盤又靚，食得開心又滿足。推介比鍾意日式料理既朋友試下！