權記雲吞麵

營業中

休息中

今日阿J 約咗已認識了接近十年的openricer 姊弟到Robuchon high Tea, 而我阿P因要趕工選擇留在寫字樓工作。又到3點3，見肚餓，決定去令我有不少回憶的權記食碗快靚正雲吞麵。呢間權記已在上環接近二十年了，我第一份暑期工就是在附近返工，當年我時常來這裡食lunch，食兩大碗麵填到個肚飽哂才$20元，對當年只有18 歲的窮小子來說，無得頂。叫了雲吞併墨魚丸粗麵($16)，有3粒墨丸2粒雲吞，先唔講味道，剩係份量都夠抵讚。雲呑每日新鮮即包，皮超軟超薄，蝦雖不大但勝在爽，豬肉亦新鮮，好味。墨丸則一般，算有墨魚味及彈牙。粗麵偏腍，我喜歡的麵質，沒有鹼水味。還記得我還未開始做生意，仍在從事金融業時，有位前輩曾跟我說，平價食店如權記粉麵這類的，絕對是一個市道寒暑表; 如它們時常人頭湧湧，就要留現金。今天，權記座無虛席。但同一時間，阿J亦同我講 Sevva 同 Robuchon 都要等位，香港貧富懸殊真的十分嚴重。