權記雲吞麵

營業中

休息中

記得一開始食嘅時候只係$20一碗直程係上班族糧尾嘅恩物最近好似已經加到$26一碗不過都算平嘅，所以間唔中都會去食基本上$50內已經食到好飽雲吞超級大隻，蝦肉爽口彈牙落單後大概1分鐘就會上枱岩哂匆忙嘅上班族同埋最緊要係個雲吞麵唔會淋左通常我都會叫埋才，因為都只不過係$12一碟食過魚蛋覺得麻麻地好一般叫鮮牛肉會比較好份量都算頗多 而且唔會醃製得好誇張每次去都坐咗好多人就算等位都唔會太耐，大家好快食完就會走

果日中午行到身水身汗。撘正12點正午，想食個輕鬆得嚟又飽肚既餐。最緊要係手機又無咩電，銀包又咩錢。諗住揾銀行㩒錢定咬個麵包就算之際，呢個真係嚟得及時。估唔到係貴族地區都會有平民野食。而且作為港島心臟地帶，佢完美詮釋左香港既精神：好.很快。拿拿聲食完再拿拿聲趕番去開工。話咁易就攝到位入去坐。就係傳統既雲吞鋪感覺—簡陋得嚟順眼，油淋淋得嚟又唔覺好污糟。係西環開左地鐵之後都未試過係港島食雲吞麵，梗係叫佢啦。細蓉配牛丸，無錢都仲可以懶豪氣咁嚟份雙併。但再望住個銀包，再望望枝玻璃樽裝快樂水，睇嚟今日同佢就唔多夠緣份喇…極速做好。雲吞唔細，不過用既係細🍤，但勝在數量撘夠。而牛丸就不過不失，呢個價位可以接受。加埋醋嚟食，夫復何求。等位快，上菜快，價位適中。推！

最近朋友講開去有回憶嘅食店，喺我未嚟上環返工，呢間係我喺港島區唯一有回憶嘅舖頭。每次經過我都會諗起以前老豆話，佢返工嚟開呢頭都會食權記，話好味又抵食。總覺得老一輩口味未必岩我，直到前排想食魚蛋麵先第一次幫襯。對於上環食到26蚊兩餸麵，我真係無欲無求😂而佢哋嘅魚蛋好大粒，彈牙得嚟有少少軟熟。雲吞都勁大粒勁足料，有蝦有肉，足料到唔洗本咁😨麵底係ok，無乜不討好嘅鹼水味。呢個份量呢個價錢，性價比極高，食完會感恩☺️🫶🏻

37蚊鮮牛肉雲吞兩送麵🍜中環和上環都試過，辣椒油超好吃！試一d已經後辣🥵上環座位鬆d，幾好嘅午餐之選😼😼🫶🫶雲吞會少少鹹，但蝦仁豐富🍤🍤🍤🍤

經常都看到店𥚃人流不斷也有不少的士司機 愛把車放在店外 吃一頓再走雙併 - 雲呑魚皮餃幼麵 $26兩隻雲呑、三隻魚皮餃 及一份份量不少的幼麵幼麵沒鹼水味 湯🥣也清清 不乾口愛辣 偏濃味的朋朋們 可以加一下他們的辣油真的很贊 再加上他們的魚露（幾滴就好了沾起來更野味 味道層次更厚了～淨雲呑 $31他們的雲呑也太口吃了吧～皮又薄又滑溜溜這雲呑的大小 還可以分兩口吃😌𥚃面的餡是3/4蝦；1/4肉而且蝦🦐咬下去QQ有彈怍 還帶點鮮甜真的深藏不露 一家普通的雲呑小店居然還這麼好吃😋而且價格還超佛心（一碗還有6、7粒以上（一直快樂吃都忘了算有多少顆 哈哈哈炸魚皮 $1616塊的炸魚皮 本來就沒預有多大份有多完整有多新鮮誰知道 一來的時候每塊都大大條又完整 又脆 即便進到湯 也不會馬上軟掉還是脆脆 真的吃的好爽 哈哈😆（下次在這買一份炸魚皮 回家🏠火鍋🍲好了YA、YA～哈哈😆我懂了 為什麼人流絡繹不絕不但好吃😋而且超級佛 是最近在上環吃到的新低以後應該也會久不久 隨意去買個外帶 或內用把別的也試試 哈～

呢個價錢嘅魚蛋粉係香港島已經買少見少💰 都可以話係良心價🤣 雖然小店真係比較窄 似一般雲吞麵店格局 以價錢黎講 魚蛋既質素我都滿意👍🏻 糧尾食個快嘅午餐未嘗不可⭐️ 魚蛋雲吞鯪魚球麵 🍜麵底無驚喜比較重鹼水味🥴 三種最驚喜係魚蛋 🥹手打果然有爽口既口感🍢 唔會唔會太重粉味 鯪魚球魚味更重就更佳🐠 雲吞算包得飽滿 調味比較一般🦐 如果要揀的話 淨係試魚蛋就可以了🤣⭐️ 權記雲吞麵 (中環)📍 中環皇后大道中303號

細個已常常光顧嘅一間粉麵店，到今時今日單併雙併都只售$21。足料抵食👍🏻店鋪員工都非常有禮，唯獨只有一位攣長髮阿姐態度非常差，常常呼喝客人，客人舉手示意落單，佢就扮睇唔到，扮忙。老闆娘這麼多分店，希望可以改善一下。食物方面係值得去食（鮮牛肉，鯪魚球）👍🏻

今日黎呢邊行下摩囉街尋寶,行返落去大街之後真係太肚令喇 但又唔知食咩就比個權記吸引左睇落似係啲老舖💜咁自己去舊物都有份情懷係到所以就入黎打算試下佢地既雲吞麵得唔得喇因為個人對雲吞麵要求麵高權記既價錢係不得了既平係港島區仲食到一碗$21既雲吞麵我非常驚訝🍜招牌雲吞麵$2️⃣1️⃣勁大粒雲吞本身自己麵挑食，但權記個雲吞係真係冇得輸🍜一碗出色既雲吞麵一定要有大大粒蝦肉加埋絞肉不我呢粒雲吞扣分位係有啲太重口味 淡返少少就完美喇🤤

之前經過無意間發現左呢個雲吞麵鋪，一直想黎試一試，今日終於搵到機會。呢度除左招牌雲吞，仲有牛肉、魚蛋之類既選擇，可惜欠缺牛腩牛筋。單雙拼都只係20蚊左右，真係超抵食。我呢碗因為加左底，所以望落無湯，但後來發現，其實唔洗加底份量都夠食。

突然要返幾天上環，今日更提早放飯。 得一個人又人生路不熟，真係是是旦旦四圍行下睇下。 行行下遠遠見到個紅色大招牌，紅底黃字再加上舊式麵檔格局，一睇就知必係我今天午餐首選。 入到去又係幾張大檯簡簡單單，不過麵選擇真的不簡單。 有傳統雲吞丶水餃及各類丸丸，更有鯪魚球及鮮味牛肉。 價錢方面真的冇得輸，保留著街坊人情味價。 叫了碗只收$20雲吞麵，有4粒大雲吞，餡料真材實料好好味。 一到中午就開始不斷入人，好在今日早食才不用等位。

今日午餐時間下午1點左右黎到權記，平時既人龍店竟然唔洗排隊，非常開心！貢丸拼魚蛋河$29今日又黎到我飯堂－權記貢丸有冬菇香味，白魚蛋彈牙，河粉夠幼滑。以呢個地段，呢個價錢黎講真係無可挑剔啦。油菜$12油菜今日只有唐生菜一個選擇，配上腐乳或蠔油，食碗麵加碟菜，營養均衡啲。

在這裡你可以自由配搭餸菜和不同款式的麵。餸菜包括：魚蛋/牛丸/貢丸/雲吞/魚皮餸/菜 等麵類包括：生麵/河粉/米粉 等更多食品選擇可參考店內餐牌我點了魚皮餃米粉 ($22)味道都是很傳統的大地魚湯底，米線麵質爽滑，魚皮餃特色在於餃子皮是魚肉造的，特別煙韌彈牙。而餡料就是以豬肉為主。店內的辣椒油非常香口惹味，辣椒炒得香口、而且辣度足夠！將麵條蘸一些辣椒油和醋來一起吃，味道層次更豐富，辣得更過癮。需要留意的是這家店主打速食，店內人流量很高，所以匆匆吃完後便要埋單讓位予下一位食客了。

呢間權記雲吞麵真係好平，係而家嘅上環都仲可以做到$20一碗雙拼麵，簡直係無敵！一路我都唔明白點解可以咁平！佢就係皇后大道中同急庇利街個轉角位度，逢親lunch hour都會排哂隊，好旺場！佢咁旺場應該都全因為佢夠平！同一般粉麵舖一樣啦，有牛丸啊，貢丸呀，墨魚丸呀同雲吞啦嗰啲揀啦，河粉，米粉同麵都可以配嘅。我自己呢就揀咗魚蛋米粉，啲米粉啦好爽口彈牙，認真唔錯！魚蛋同魚片呢口感都幾彈牙，但係就味精重左d。湯底就唔算話好鹹，不過都係味精湯。整體味道黎講，你俾廿蚊咪有廿蚊貨仔，以俾左廿蚊黎講，絕對值回票價，算係好食架！

聽同事講這間○權記○雙拼麵只賣20元。可說是平絕中西區。今日是平安夜，很多打工仔都提早放假，估計午飯時間不會太多人，於是就決定獨自一人去揾食。這間麵檔距離公司路程約20分鐘。涼涼地既天氣行過去沒問題，夏天就唔好搞我了！開住 Google map 行，路程不算太遠。一入去是自己揀位坐，未到一點已見坐了八成客人，地方比想像中大，有兩行枱是面壁。以我所見，這裏九成客人都是叫雙併粉麵，是最抵食吧！我叫了雲吞牛丸麵，雲吞細粒，一分錢一分貨的道理。牛丸有少許黑椒，不吃辣的朋友，就仲了招了！整體來說，味道OK嘅！這個價錢，夫復何求。

今日shopping之後係上環拎住一袋二袋, 諗住是但搵間平靚正既餐廳醫醫肚, 經過見到有間權記雲吞麵,單併同雙併都係HK$20。港島區黎講確實平價! 拎住一袋二袋既我諗住坐入少少, 唔想阻到其他食客之際, 有個著黃衫既煮麵丫姐黑口黑面話我d野好阻佢地d位, 叫我擺出走廊位先好入去坐, OK! 平價餐廳唔期望佢好好服務, 但都唔洗咁冇禮貌吧?!叫左個雲吞麵, 一碗有4粒, 個麵就似乎少左D囉! 不過係幾彈牙幾爽, 湯底甘甘地雲吞就令人極為失望, 皮有D厚度, 摺位又煮唔透, 有D硬...豬肉幾多幾足, 足到要好細心咁搵隻蝦究竟收埋左粒雲吞邊度,原來隻蝦就只有1/3隻, 細到呢.... 食完成個麵, 完全唔飽, 似食左陣風咁! HK$20 平就平, 過下口癮冇所謂, 唔好期望當正餐可以飽, 服務態度有待改善! 比返D禮貌同笑容對客啦!