酒屋一杯喜

營業中

休息中

天后清風街呢間居酒屋，一入去就俾佢個裝修吸引住，好似將日本街頭同型格酒吧Cross Over咁，氣氛一流！當晚仲有塔羅牌師駐場，好特別！閒日夜晚去都係全場爆滿，見到有閨蜜情侶嚟約會、一家大細嚟食飯、仲有男士自己一個靜靜地Me Time！日本椰菜拌柚子醋前菜嚟講，呢個真係好清爽！日本椰菜勁爽脆，配埋酸酸甜甜嘅柚子醋，好開胃！唐揚池魚仔啱啱炸起熱辣辣！成條仔咁食，超級香脆連骨都食得，送酒一流！啖啖鹹香好過癮。稻草燒鯖魚呢個係全晚嘅Highlight之一！用蘋果木煙燻，上菜嗰陣煙霧瀰漫，效果超震撼！鯖魚燒得好香，魚肉好juicy肥美，陣煙燻味滲晒入去，真係食到停唔到口！打卡同食慾都滿足晒！腦天刺身腦天刺身真係好少有得食，係吞拿魚頭頂肉，入口即溶，油脂分佈超靚，鮮甜！串燒塩燒海蝦真係好大隻，足足九寸！燒得啱啱好，蝦肉彈牙鮮甜，簡單嘅鹽燒已經好好味！胸三角軟骨燒得好香脆，口感一流。雞腳筋彈牙有嚼勁，好有特色。豚肉提子呢個配搭好特別，豬肉嘅鹹香同提子嘅清甜撞埋一齊，出奇地夾！炸蝦春巻外脆內軟，蝦肉鮮甜，點埋醬汁好惹味，熱辣辣食超正貝介廣島蠔鹽味雞胸拉麵 廣島蠔幾鮮，但最impressed我反而係個