影片
更多
2018-06-23
3996 瀏覽
堤岸酒吧及餐廳為慶祝成立30週年，逢星期五推出30分鐘巨型漢堡挑戰，牛肉漢堡重30安士，酸青瓜，蘑菇，蕃茄，煙肉，菜，醬汁，總重量大概一百二十幾安士。30分鐘內食完同飲完一杯30安士嘅酒或果汁即可免費享用價値$600巨型漢堡，食唔晒都只需比$300。我之前一直想睇吓個包有幾大個，食唔晒都可以當玩吓，終於搵到朋友夾到時間挑戰。我哋早幾日已經訂枱並講明其中一位會參加挑戰，餐廳安排好好，唔想引起其他食客留意， 我哋坐嘅位置差唔多係自成一角，職員可以喺遠距離觀察到挑戰者又唔會比到壓力對方，地方坐得舒服而且服務非常好。因為個挑戰完成咗所以漢堡係免費，人均消費就係除返三個人。我唔想飲酒所以揀咗30安士嘅果汁，好大杯果汁先生。個漢堡真係好巨型，我哋四個不停影相留念。最上層嘅包幾脆幾好味。食到一半，中間太多醬汁太鹹，底層嘅包吸晒啲汁食到尾好難入口。其餘三個朋友每人叫咗一份龍蝦盛宴，價錢幾抵。前菜有凱撒沙律配刁草塔斯曼尼亞三文魚或人頭馬干邑龍蝦濃湯。沙律菜好新鮮，有少少多士粒，醬汁清新。湯嘅擺設有心思，配有脆片同一件龍蝦鉗肉，龍蝦味濃厚。意粉係鮮味龍蝦燴直通粉配鮮茄，水瓜柳及香草醬，通粉有咬口，醬汁味道
因為個挑戰完成咗所以漢堡係免費，人均消費就係除返三個人。
我唔想飲酒所以揀咗30安士嘅果汁，好大杯果汁先生。
個漢堡真係好巨型，我哋四個不停影相留念。
最上層嘅包幾脆幾好味。
食到一半，中間太多醬汁太鹹，底層嘅包吸晒啲汁食到尾好難入口。
其餘三個朋友每人叫咗一份龍蝦盛宴，價錢幾抵。
前菜有凱撒沙律配刁草塔斯曼尼亞三文魚或人頭馬干邑龍蝦濃湯。
沙律菜好新鮮，有少少多士粒，醬汁清新。
湯嘅擺設有心思，配有脆片同一件龍蝦鉗肉，龍蝦味濃厚。
意粉係鮮味龍蝦燴直通粉配鮮茄，水瓜柳及香草醬，通粉有咬口，醬汁味道豐富，亦有件龍蝦鉗肉喺度。
主菜有香烤活龍蝦及焗活龍蝦米多，配藜麥烤玉米莎莎，另外三個Set都有另加$88配香烤頂級安格斯西冷牛扒。
龍蝦雖唔大隻但蝦肉亦烤得好香，亦唔會乾，每份有兩件嘅西冷牛扒好juicy，裏面粉紅色嘅肉好吸引，牛味重。
加$38嘅配菜烤青露筍，食返少少蔬菜中和下。
甜品好抵，只需加$30，有特軟檸檬芝士餅配蜜糖桑子果醬或焗綠茶心太軟配雲呢拿雪糕兩款揀。
芝士蛋糕芝士重但真係軟身，檸檬味唔突出，配下面酸酸甜甜嘅果醬可以中和甜膩感。
焗綠茶心太軟還可以，但我覺得雪糕先係主角，雖然墊喺焗好嘅心太軟下面已經溶咗，但入口好滑，雲呢嗱味好香，同外面嘅雲呢嗱油無得比。
張貼
