影片
更多
2020-06-03
74 瀏覽
好鍾意去喜帖街揾食，因為唔少高質素嘅餐廳，而且有好多唔同嘅國家美食、岀名嘅餐廳都可以係度揾到，金子半之助就係其中一間。日本人氣天丼過江龍 - 金子半之助係日本第一天丼，主要專食天婦羅丼飯，喺台灣、美國都有分店，而喺香港已經有三間分店。今次都係因為工作關係，常去灣仔工作，知道呢間日本第一就係利東街，當然唔會錯過呢個機會吧！剛入到店舖，眼見地方唔大，座位唔多，以二至四人座位為主，有幾級樓梯上一層有張長枱，轉彎仲有幾張桌，估唔到內有乾坤。由於，一個人的孤獨晚餐嘅關係，店員安排我坐係長吧枱嘅自閉位，就算自己一個人食飯都唔會尷尬啦。剛入座，店員就遞上一個吉杯，入面有兩粒黑豆，枱上有熱水壺，提供自行沖飲，更加帶岀黑豆香味。另外，枱上仲有七味粉，以及說明，教你如何享用巨型天丼。打開餐牌，只有三款天丼飯選擇，天丼、上天丼、江户前天丼，唔同丼有唔同天婦羅配搭，當然天丼係最少、江户前係最多。自問係大胃王嫌唔夠食、唔夠巨，可以單點追加。金子半之助最有特色，就係原條30cm長穴子(星鰻)，當然一定要試下，所以揀左最多天婦羅、最巨型嘅江户前天丼。江户前天丼 $138 (7/10)第一件當然食咗長長嘅穴子先，外層
好鍾意去喜帖街揾食，因為唔少高質素嘅餐廳，而且有好多唔同嘅國家美食、岀名嘅餐廳都可以係度揾到，金子半之助就係其中一間。
日本人氣天丼過江龍 - 金子半之助係日本第一天丼，主要專食天婦羅丼飯，喺台灣、美國都有分店，而喺香港已經有三間分店。
今次都係因為工作關係，常去灣仔工作，知道呢間日本第一就係利東街，當然唔會錯過呢個機會吧！
剛入到店舖，眼見地方唔大，座位唔多，以二至四人座位為主，有幾級樓梯上一層有張長枱，轉彎仲有幾張桌，估唔到內有乾坤。
由於，一個人的孤獨晚餐嘅關係，店員安排我坐係長吧枱嘅自閉位，就算自己一個人食飯都唔會尷尬啦。剛入座，店員就遞上一個吉杯，入面有兩粒黑豆，枱上有熱水壺，提供自行沖飲，更加帶岀黑豆香味。另外，枱上仲有七味粉，以及說明，教你如何享用巨型天丼。
打開餐牌，只有三款天丼飯選擇，天丼、上天丼、江户前天丼，唔同丼有唔同天婦羅配搭，當然天丼係最少、江户前係最多。自問係大胃王嫌唔夠食、唔夠巨，可以單點追加。金子半之助最有特色，就係原條30cm長穴子(星鰻)，當然一定要試下，所以揀左最多天婦羅、最巨型嘅江户前天丼。
江户前天丼
$138
19 瀏覽
0 讚好
0 留言
江户前天丼 $138 (7/10)
第一件當然食咗長長嘅穴子先，外層鬆脆，肉質嫩口，天婦蝦係最脆卜卜嘅天婦羅，食得岀新鮮爽口，小柱魷魚反而比想像中無咁爽，令我覺得最岀色嘅係炸温泉蛋，外面有少少炸粉，令口感鬆化，咬開蛋醬如泉湧出來，十分澎湃，送飯一流！
江户前天丼
$138
24 瀏覽
0 讚好
0 留言
小總結: 每件天婦羅都係新鮮即炸，食入口熱辣辣，做到天婦羅最基本。長長嘅穴子配上秘製醬油，味道突岀，另外，個人十分推薦炸温泉蛋，係岀面食唔到嘅天婦羅，而且可以做到外鬆入面流心，呢個值得一讚！
張貼
