NINETYs (皇后大道東) (已結業)

之前食過尖沙咀嗰間唔錯，今日經過灣仔見到就入去食。灣仔呢間係工廠風裝修，採用開放式廚房。餐廳燈光比較暗，張枱有可以調節光度嘅枱燈，提供嘅水亦有用日本備長炭。White Peach 飲品採用玻璃支裝，係法國牌子嘅果汁，飲落非常有白桃味，味道天然濃厚，而且唔會好甜，餐廳非常貼心，提供左有冰嘅玻璃杯俾我哋享用。蟹皇薯蓉碗薯蓉啱啱焗好，上菜時仲係出晒煙，香氣撲鼻，表面焗得金黃，食落軟滑，啖啖充滿蟹皇香味。波士頓龍蝦意大利粉意粉擺碟精美，波士頓龍蝦非常新鮮，肉質鮮甜，意大利粉煮得恰到好處，唔會太硬或者軟身，意大利配合茄汁，以及車厘茄食，成件事好夾。蟹肉芝士薄餅Pizza係傳統薄批，薄餅底非常香脆，芝士食落味道比較淡，但有拉絲效果，配埋表面嘅偏咸嘅蟹子食，成件事平衡返，整體有驚喜👍🏻總括而言，餐廳食品質素高，而且環境舒適，下次有機會會再食。