影片
更多
2024-05-22
424 瀏覽
今天為了一間沒有豬紅，沒有魷魚，沒有牛腩的車仔麵寫食評。不過不是劣評，正確嚟講係叫嗰時真係失望，食之後感覺十分滿足，明白點解咁多樣都賣晒。知道有呢間舖，係因為屋邨群組有人介紹，話係港島「搵啖食」老闆開的，幾咁出名幾咁好食，不過我一向相信自己條脷，今日放工專程去試試。18:30去到，感覺係舖仔一間，四張枱，其中兩張有食完嘅碗冇人收，一張放咗一大兜燒賣唔知有乜用。冇人招呼所以就求其坐咗一張枱，我問店員點樣落單，佢叫我自己圈枱面上的紙。我叫咗豬紅豬腸咖喱魷魚同牛腩油麵小辣汁，店員話豬紅魷魚都賣晒，牛腩就最後一份，佢叫我食雞翼同魚蛋，兩樣我都唔鍾意，諗咗一陣應唔應該食呢碗麵⋯⋯反正都嚟咗，最後豬紅魷魚就變咗紅腸同魚蛋。豬腸好入味好𣺉，牛腩唔係咩極級部位，不過我會用好食來形容，紅腸魚蛋就正正常常，個湯好味道！直情可以飲埋落肚！特別一提店員都好窩心，比咗一小舊豬紅同一片魷魚我，多謝佢呢個小心意😁😁嚟緊我放三日假，必定會再嚟食多一次！
知道有呢間舖，係因為屋邨群組有人介紹，話係港島「搵啖食」老闆開的，幾咁出名幾咁好食，不過我一向相信自己條脷，今日放工專程去試試。
18:30去到，感覺係舖仔一間，四張枱，其中兩張有食完嘅碗冇人收，一張放咗一大兜燒賣唔知有乜用。冇人招呼所以就求其坐咗一張枱，我問店員點樣落單，佢叫我自己圈枱面上的紙。
我叫咗豬紅豬腸咖喱魷魚同牛腩油麵小辣汁，店員話豬紅魷魚都賣晒，牛腩就最後一份，佢叫我食雞翼同魚蛋，兩樣我都唔鍾意，諗咗一陣應唔應該食呢碗麵⋯⋯反正都嚟咗，最後豬紅魷魚就變咗紅腸同魚蛋。
豬腸好入味好𣺉，牛腩唔係咩極級部位，不過我會用好食來形容，紅腸魚蛋就正正常常，個湯好味道！直情可以飲埋落肚！特別一提店員都好窩心，比咗一小舊豬紅同一片魷魚我，多謝佢呢個小心意😁😁
嚟緊我放三日假，必定會再嚟食多一次！
張貼
