韋醬爺車仔麵

營業中

休息中

鐘意食車仔麵10幾廿年，經常專登搭車出去就係為左一碗車仔麵，今次經朋友介紹食呢間，完全因為我比面朋友+自己住附近，之前上網睇，見到唔少負評講份量少及對客無禮貌，但我今日堂食，坐左大半個鐘，1男（相信係老闆，同店內明星相合照果位）+2位女姐姐都好有禮貌喎，就萛佢地員工之間溝通都前後唔該，想幫下小店平反。講番碗麵，叫左油麵、牛筋腩、豬紅（4粒）、魚肉條（4條）、韮菜餃（2粒）+小辣汁/凍奶茶。牛筋腩好淋入味，豬紅都好正，男老闆話魚肉條純用魚肉做，無溝粉，唔知係咪咁，所以得4條（係咪叫貴精不貴多）我平時一般食3餸麵，今日第一次試新店，揀左4餸，老實講，雖然比起我平時食其他舖，呢間份量唔萛勁大碗果隻，但其實覺得唔夠飽咪叫多1-2個餸，食品質素好味都好重要既，衣家租金、薪金、食材樣樣都貴，希望老闆睇到呢段評語都可以考慮下加多少許份量吸客啦，附近咁多工廠寫字樓，希望小店繼續用心經營，d野食真係好味，因為沙田/火炭區真係好耐無一間車仔麵檔，要好食既更加無，我會繼續幫襯你啊

*食材高質，食過會想再去食既車仔麵！*秘製辣醬又香又辣，粗幼麵、河粉、米粉又滑又爽口，個人最喜歡牛腩/豬皮/咖喱魷魚/豬紅/春卷/雞奕/*豬大腸*必食門口仲有腸粉燒賣魚旦小食，腸粉一樣有驚喜，醬多又滑溜，行過路過必食😊

♡̆̈ 大家都知道平時我只要唔出街就會叫外賣但係呢一排真係唔想再叫外賣 所以就周圍發掘附近一啲唔同嘅小店今次就去咗一間車仔麵店⋯ 我比牆上面嘅明星相吸引左入去相信都一定唔會差得去邊入到去梗係嗌佢哋嘅招牌車仔麵「明星麵」食車仔麵咩餸都想嗌既我嗌呢個明星麵完全解決咗我嘅問題總共有14個餸豬紅 豬皮 牛腩 咖喱魚蛋 雞翼尖春卷 牛肚 蘿葡 咖喱魷魚 香滑𪗋豬大腸 冬菇 滷水雞翼 時菜個車仔麵嘅份量都好足我最鍾意係佢哋嘅豬大腸同雞翼尖而個滷水做得非常之入味 ～ 煎蘿蔔糕平時通常都係飲茶嘅時候先會食到煎蘿蔔糕真係估唔到車仔麵店都有煎蘿蔔糕煎到外皮煎得脆脆的煎得恰到好處的蘿蔔糕，外脆內軟但每一啖都能感受到蘿蔔的清甜同蝦米的鹹香煎腸粉平時食開既腸粉都係蒸既 已經好少見到有地方係做煎腸粉煎咗嘅腸粉外皮微微焦脆 配上醬油甜醬芝麻口感既層次感豐富既有外皮的酥脆，又有內裡的滑嫩呢個係必點嘅item煎糯米雞煎糯米雞是將外層形成了一層香脆的鍋巴煎過的糯米雞口感更加豐富既有脆皮爽口又有糯米的黏滑再加上豐富嘅餡料喺糯米雞嘅表面仲灑上咗肉鬆令到個味道更加吸引冰火魷魚魷魚經過焯水後冰鎮 保持爽脆的口感再搭配上少少辣既醬汁

去火炭做完野．同事話呢間車仔麵個秘製辣醬好正難得嚟到梗係要試下位置方便易搵．距離地鐵站好近仲見到牆上貼上勁多明星合照樣樣想試 + 選擇困難最後揀咗店長推介嘅「明星麵」超誇張．竟然有14款餸最欣賞裡面嘅鹵水大腸．豬紅整得好入味．超好食配埋自家制甜辣汁辣辣地好香好回味食完呢度嘅粗麵，令我對以往食過嘅麵質完全改觀呢度個粗麵口感好爽彈．好有蛋香味係我食過最好味嘅粗麵✨冰火魷魚勁爽彈嘅水魷．淋上香濃嘅辣汁一試愛上✨煎腸粉呢度竟然食到細個時喺酒樓推車仔嘅煎腸粉即叫即煎．外皮香脆加上甜醬麻醬同芝麻...充滿回憶嘅味道✨凍奶茶茶底好香濃．口感絲滑正宗港式奶茶

經過見佢新開就打算入去試吓，叫咗碗車仔麵，豬紅，蘿蔔，豬皮，豬腸，雞翼，咖喱魚蛋，牛筋腩，米粉再加辣汁，都好快嚟到，有驚喜喎~原來佢個辣汁好正喎，甜完先至辣，辣味後經凌厲，追住嚟食，蘿蔔好腍，(尤其豬紅特別好食😋)，豬腸好入味，雞翼都好食，其他嘢就正常，最後跟餐叫了豆漿，服務態度都唔錯，會推介給同事嚟試吓。

今日嗌左個兩餸外賣貢丸+春卷 河粉。返黎一打開……………………………………….簡直係人生食過最少餸既車仔麵！入面得兩粒細過乒乓波既貢丸同一條春卷仔…………………..……..張圖一眼睇曬就係咁多！！！！食完嗰三粒餸就要齋食麵了………………….湯底普通…味精湯，嗌腩汁冇腩汁味。如果想好好地食飽飯既話，呢間係絕對唔建議！！！！先不論好唔好食，都唔多好食架啦。最慘係食完仲要搵野食呀陰功！！！！！！！！！！！

上次行過發現有間車仔麵 今日三點零鐘落去試下， 叫咗四餸麵 豬紅豬腸豬皮牛腩加杯豆漿 豬紅有驚喜 ，豬腸食返以前味道， 豬皮唔係謝曬身嗰隻爽口有口感， 牛腩正常入味 55蚊， 今次試咗四餸覺得佢用心煮 服務態度都幾好，可以分享吓。

唔係住火炭，亦都唔係附近返工，但呢間車仔麵係我食完一次之後，成日都會特登走去食火車站行過去2分鐘就到，好方便。車仔麵嚟嚟去去都係嗰啲餸，但呢間真係整得好好食！！好難得遇到超入味嘅豬紅，勁感動鍾意食豬紅嘅一定要嚟呢度試吓。好夠腍嘅豬腸同埋牛筋，冇筋嘅蘿蔔，食得出全部都係心機之作，一定係用咗好多時間去製作個秘製辣醬係必試！少少辣，就算唔食辣嘅人都應該接受得到，帶啲甜味，好惹味！令人越食越想食另外私心推介佢嘅煎腸粉，煎到香香脆脆，唔係淨係求其煎到個面少少黃就算價錢我覺得合理，咁嘅質素完全值得呢個價！介紹俾朋友連朋友都話好食，冇特別鍾意食豬紅嘅佢話個豬紅有驚喜⭐️而家香港做飲食唔容易，要多啲支持咁用心做食物嘅小店

聽同事講附近開咗間新嘅車仔麵就走去試吓其實都唔需要多講自己睇相成間餐廳細都算啦，又熱又焗，得一部風扇吹住個餐廳，另一部吹住個廚房，咁嘅環境咁嘅份量好意思收人呢個價錢真係冇下次

叫了外賣 叫佢加腩汁 冇加 成碗野冇味 同水一樣。叫左咖哩魚蛋，入面係凍架。份量小都唔緊要，但都起碼整得好食d吖。鋪頭咁有心機貼晒d明星合照出嚟 不如將d心機整好d野食先啦。間鋪頂返嚟，咩都唔執下，淨係貼d相出嚟就開始做生意，揾快錢都唔緊要既，整返好小小d野食先啦。今次係第二次食，第一次係堂食都已經唔係好。今次叫外賣就更差，俾小左野。d野倒瀉晒，嚟到既是時候杯野飲得返三份一，成袋野都係果d嘅飲。我真係唔會再食了。不推介。

見新開賣相唔差又有見網上面有人宣傳一於去試下個全餐，叫左個明星麵78$，配油麵，個油麵食幾口就無晒真係少到嚇死人，其他餸都係好少，牛腩好碎，得菜心最多 起碼俾左10條8條 。仲有一舊超級大蘿蔔，魚蛋2細粒，雞中翼1只，雞翼尖2只，魷魚2細條，冬菇兩細粒。仲有一條春卷，豬紅和豬皮和牛肚有兩舊仔 份量算最正常，湯底味道 唔錯！總結黎講78$唔抵食，餸唔多都唔緊要，但係麵真係好少，個外賣盒放晒D麵和餸、個盒都唔過一半試一次就夠！

今天為了一間沒有豬紅，沒有魷魚，沒有牛腩的車仔麵寫食評。不過不是劣評，正確嚟講係叫嗰時真係失望，食之後感覺十分滿足，明白點解咁多樣都賣晒。知道有呢間舖，係因為屋邨群組有人介紹，話係港島「搵啖食」老闆開的，幾咁出名幾咁好食，不過我一向相信自己條脷，今日放工專程去試試。18:30去到，感覺係舖仔一間，四張枱，其中兩張有食完嘅碗冇人收，一張放咗一大兜燒賣唔知有乜用。冇人招呼所以就求其坐咗一張枱，我問店員點樣落單，佢叫我自己圈枱面上的紙。我叫咗豬紅豬腸咖喱魷魚同牛腩油麵小辣汁，店員話豬紅魷魚都賣晒，牛腩就最後一份，佢叫我食雞翼同魚蛋，兩樣我都唔鍾意，諗咗一陣應唔應該食呢碗麵⋯⋯反正都嚟咗，最後豬紅魷魚就變咗紅腸同魚蛋。豬腸好入味好𣺉，牛腩唔係咩極級部位，不過我會用好食來形容，紅腸魚蛋就正正常常，個湯好味道！直情可以飲埋落肚！特別一提店員都好窩心，比咗一小舊豬紅同一片魷魚我，多謝佢呢個小心意😁😁嚟緊我放三日假，必定會再嚟食多一次！

今天在火炭上完興趣班在附近覓食，這間車仔麵是最近新開張的，$36兩個餸，$42三個餸，價錢都算很優惠牛筋腩份量很多，滷水味道挺好味，不會很咸。牛肚很爽口，咖哩魚蛋也很彈牙，不錯，另一碗叫了雞翼也是滷水汁的，有兩隻，雞翼就正常味道，推薦滷大腸，份量多又彈牙，清潔得乾淨👍🏻個人認為辣汁不是很辣，個挺惹味，可以點 另外點了燒賣5粒$10，魚肉味香濃，醬汁好味，不錯火炭這個美食沙漠終於有新餐廳，性價比不錯，不過餐廳環境就比較逼夾