影片
更多
2017-05-18
814 瀏覽
（利申：我係九龍東人，所以是晚飯聚，有朋友提議黎呢度食私房菜，我都大概知道個位置。）其實呢度距離觀塘地鐵站大概10分鐘路程左右啦，沿着觀塘廣場，見到成業街向左行就到敬業街lu。今晚訂左檯，4人食私房菜。餐廳會一日前將menu WhatsApp 比你，所以我地事先已經知道食d乜了。你亦可以事前將食物喜好話定比餐廳知，例如有乜唔食等等。是晚菜單如下，4位共$1548，食到飽飽呢！1）麻辣鹵水拼盆：有牛肚、青瓜手撕雞同豬腸，夠晒麻辣，好開胃！2）砂鍋什菌龍躉骨湯：好濃郁嘅魚湯，每人飲到兩碗以上呢！3）菊子魚：呢味餸有啲似松子魚嘅變奏版，將東星斑炸香後加左柚子醬，好香口！4）蒜蓉粉絲蒸蟶子皇4只：每人一隻蟶子皇，每隻都幾大隻架！蒜蓉粉絲索滿晒啲汁，小二，白飯一碗唔該！5）金絲翡翠鳳尾蝦4只：有瓜有冬菇有蝦，呢味餸營養都幾均衡wor！6）士多啤梨骨：平時食得咕嚕肉多，今次食呢個士多啤梨骨，都一樣有酸酸甜甜嘅口感架！7）金華玉樹雞半只：好特別嘅整法，雞肉同火腿相間鋪成，賣相得、味道又新奇，值得一食！8）蟹油銀芽炒麵：店內名物，炒麵唔會過油，加左好多芽菜又有爽脆口感！食埋呢個已經好飽了！9）碧綠炒帶
其實呢度距離觀塘地鐵站大概10分鐘路程左右啦，沿着觀塘廣場，見到成業街向左行就到敬業街lu。
今晚訂左檯，4人食私房菜。餐廳會一日前將menu WhatsApp 比你，所以我地事先已經知道食d乜了。你亦可以事前將食物喜好話定比餐廳知，例如有乜唔食等等。
是晚菜單如下，4位共$1548，食到飽飽呢！
1）麻辣鹵水拼盆：有牛肚、青瓜手撕雞同豬腸，夠晒麻辣，好開胃！
2）砂鍋什菌龍躉骨湯：好濃郁嘅魚湯，每人飲到兩碗以上呢！
3）菊子魚：呢味餸有啲似松子魚嘅變奏版，將東星斑炸香後加左柚子醬，好香口！
4）蒜蓉粉絲蒸蟶子皇4只：每人一隻蟶子皇，每隻都幾大隻架！蒜蓉粉絲索滿晒啲汁，小二，白飯一碗唔該！
5）金絲翡翠鳳尾蝦4只：有瓜有冬菇有蝦，呢味餸營養都幾均衡wor！
6）士多啤梨骨：平時食得咕嚕肉多，今次食呢個士多啤梨骨，都一樣有酸酸甜甜嘅口感架！
7）金華玉樹雞半只：好特別嘅整法，雞肉同火腿相間鋪成，賣相得、味道又新奇，值得一食！
8）蟹油銀芽炒麵：店內名物，炒麵唔會過油，加左好多芽菜又有爽脆口感！食埋呢個已經好飽了！
9）碧綠炒帶子：鑊氣小炒，帶子都幾厚肉架！
10）甜品：椰汁糕共8件，件件都幾大件架，加埋紅豆淋上面，好味道！
今次係我嘅私房菜新體驗，果然食到好飽咁離開，提提大家，記得like facebook page，可以送飲品架！
張貼
