影片
更多
2017-06-17
66 瀏覽
一直都好想食私房菜，但因為價錢（$300+）所以未有行動。但今次公司請食飯，問大家有咩餐廳推介，我就緊係立即提名心水名單-御膳。最後大比數勝出！Whatsap御膳訂枱同確認餐單，佢地有預設唔同人數既餐單俾你揀。如果有d餸你唔鐘意，可以同佢地改餐單，佢地就會再報過價錢俾你。我之前試過問將個炒飯轉左其他，佢地覆返總數減返幾多，唔會有加無減。好老實，抵讚！以下呢個就係同佢確認修改過既餐單，總共8個人，10道菜：1. 麻辣鹵水大拼盆2. 砂鍋大魚頭豆腐湯3. 菊子魚4. 白胡椒炒鮑魚x85. 蒜蓉粉絲蒸特大蟶子王x86. 踏雪金巢 7. 江南百花雞半隻8. 招牌御膳炒飯9. 上湯浸時菜10. 菠蘿鳥逐樣同大家介紹返，其實由食前菜開始，大家已經讚不絕口！ 麻辣鹵水大拼盆由左至右有豬大腸、涼拌雞絲、金錢肚。雖然話係麻辣，但我覺得係微微辣，鹵水味重d，唔食得辣既同事都食得好滋味。豬大腸洗得好乾淨、好肥美。雞絲配青瓜絲好爽口，雞肉唔會鞋口。金錢肚好飽滿同口感彈牙。作為前菜，好開胃！砂鍋大魚頭豆腐湯因為侍應幫手分湯，一拎到淨係影左自己果碗唔記得影原煲湯。成煲湯都好大碗，夠每人飲兩碗，總之就好飲啦。飲完湯
Whatsap御膳訂枱同確認餐單，佢地有預設唔同人數既餐單俾你揀。如果有d餸你唔鐘意，可以同佢地改餐單，佢地就會再報過價錢俾你。我之前試過問將個炒飯轉左其他，佢地覆返總數減返幾多，唔會有加無減。好老實，抵讚！
以下呢個就係同佢確認修改過既餐單，總共8個人，10道菜：
1. 麻辣鹵水大拼盆
2. 砂鍋大魚頭豆腐湯
3. 菊子魚
4. 白胡椒炒鮑魚x8
5. 蒜蓉粉絲蒸特大蟶子王x8
6. 踏雪金巢
7. 江南百花雞半隻
8. 招牌御膳炒飯
9. 上湯浸時菜
10. 菠蘿鳥
逐樣同大家介紹返，其實由食前菜開始，大家已經讚不絕口！
麻辣鹵水大拼盆
由左至右有豬大腸、涼拌雞絲、金錢肚。雖然話係麻辣，但我覺得係微微辣，鹵水味重d，唔食得辣既同事都食得好滋味。豬大腸洗得好乾淨、好肥美。雞絲配青瓜絲好爽口，雞肉唔會鞋口。金錢肚好飽滿同口感彈牙。作為前菜，好開胃！
砂鍋大魚頭豆腐湯
因為侍應幫手分湯，一拎到淨係影左自己果碗唔記得影原煲湯。成煲湯都好大碗，夠每人飲兩碗，總之就好飲啦。飲完湯，佢地主動收走換成細碟上「湯渣」。其實用湯渣形容好似唔係甘岩，因為係一個大魚頭，超足料，最後交俾男同事處理。
菊子魚
就甘聽個名真係唔知咩黎，揀餐單果時佢地有講返係沙巴龍躉起肉再配合經過配製柚子汁而成既。雖然本人唔食魚，但難得一次都夾左舊黎試下。好脆口包住大大舊肉，上面淋左柚子汁，好特別。睇相隻碟同碗既比例就知隻碟係超大，所以一放上黎我地個個都哇左聲。白胡椒炒鮑魚
因為用白胡椒黎炒鮑魚，所以辣辣地（廢話）。火候控制得好好，好易就離殻，肉質彈牙唔會過老。
蒜蓉粉絲蒸特大蟶子王
話明係特大蟶子王就緊係唔會令你失望！蟶子肉質鮮美，食完蟶子唔少得要夾下粉絲試下，因為吸收左精華，所以好軟腍同入味。
踏雪金巢
又一抽象菜名，佢話係用金勾翅，瑤柱，蛋白，和芋頭造成雀巢， 以椒鹽方法去製成菇類食品。又係用超大碟上，上面d菇好有台灣鹽酥菇既味道，雀巢就係芋頭絲炸成，味道無咩特別，Gimmick 野黎。下面就係蛋白、金勾翅，食完上面熱氣野要中和返下
江南百花雞半只
因為我第一次食，我都唔知點形容，總之就係滑。將蝦膠放係雞肉上，完全無骨，食落好方便，應該都心機菜考功夫。
招牌御膳炒飯
其實食到尾段已經七、八成飽，所以打算試少少過口癮算，但食完真係覺得好好味，忍唔住要再加半碗。佢碟飯既份量都好多，炒得好乾身，調味做得好好。
上湯浸時菜
就係上湯浸時菜，當你過左十幾歲既階段，少左返屋企食飯，出街食總會加返碟菜食下。
菠蘿鳥
當share菜單出黎既時候，同事問咩係「菠蘿鳥」，我真係好想覆佢係「金翅xx鳥」d fd。飲飽食醉後吹下水，影下相呃like之選。
炒大肉蟹
無錯，有睇餐單都知我地係當日再加既。因為見到隔離食得好滋味，老闆話想食就叫啦。老闆，萬歲！兩隻蟹八個人分岩岩好，啖啖肉炒得好入味！
總結，超級推薦呢間。食物質素好高，員工態度好好。最重要係食阿公，唔洗自己出錢最開心！Yeah!
張貼
