影片
更多
2017-04-20
1314 瀏覽
難得同屋企人食飯，🍎又唔想成日去酒樓，想食其他菜或嘅同區又無咩選擇哦～當🍎做緊資料搜集時，一班識食嘅朋友就推薦咗「御膳私房茶」！眼見又唔係話遠，又係中菜，🍎決定帶屋企人一齊挑戰下！·「御膳私房菜」，🍎係觀塘地鐵站🚇B2出口出，都算易搵，係成業街街尾，對住「麗港城」屋苑。但敬運工業大廈嘅入口可能唔係太顯眼，大家要細心啲啦！·當🍎入到棟大廈時就係有種有無搵錯地方嘅感覺😅，因為都較為舊式工廠大廈，所以都幾難聯想會有食肆隱藏其中！當電梯到達12樓時，真係唔點見到門牌，好彩店員出黎打招呼，我地先知原來面前簡簡單單嘅門口就係「御膳」·🍎就自選菜單，🈲牛🈲內臟，價錢$1260，3人份❗️$1260可以食到幾多野？係好多，總共有10款菜式！❣️ 香芒沙律大蝦球🦐～3件：🦐蝦球炸過，炸粉唔多，口感彈而且無油膩感，而沙律就大大份好抵食，又士多啤梨🍓蘋果🍎藍莓同沙律菜🥗，配上甜中帶酸嘅香芒醬汁，作為開胃菜已經成到達到開胃嘅效果！❣️ 大肉蟹🦀～一隻：比起膏蟹，🍎更偏好肉蟹！依隻大肉蟹嘅size係同嘅沙律大蝦球嘅碟一樣大嫁😆😆蟹鉗係我半個手掌🖐🏻大❗️OMG！真係好多蟹肉！薑蔥嘅味道同醬汁滲透晒啲蟹肉到，惹味到🍎想啜
·
「御膳私房菜」，🍎係觀塘地鐵站🚇B2出口出，都算易搵，係成業街街尾，對住「麗港城」屋苑。但敬運工業大廈嘅入口可能唔係太顯眼，大家要細心啲啦！
·
當🍎入到棟大廈時就係有種有無搵錯地方嘅感覺😅，因為都較為舊式工廠大廈，所以都幾難聯想會有食肆隱藏其中！當電梯到達12樓時，真係唔點見到門牌，好彩店員出黎打招呼，我地先知原來面前簡簡單單嘅門口就係「御膳」
·🍎就自選菜單，🈲牛🈲內臟，價錢$1260，3人份❗️$1260可以食到幾多野？係好多，總共有10款菜式！
❣️ 香芒沙律大蝦球🦐～3件：🦐蝦球炸過，炸粉唔多，口感彈而且無油膩感，而沙律就大大份好抵食，又士多啤梨🍓蘋果🍎藍莓同沙律菜🥗，配上甜中帶酸嘅香芒醬汁，作為開胃菜已經成到達到開胃嘅效果！
❣️ 大肉蟹🦀～一隻：比起膏蟹，🍎更偏好肉蟹！依隻大肉蟹嘅size係同嘅沙律大蝦球嘅碟一樣大嫁😆😆蟹鉗係我半個手掌🖐🏻大❗️OMG！真係好多蟹肉！薑蔥嘅味道同醬汁滲透晒啲蟹肉到，惹味到🍎想啜乾淨啲蟹殻🤣（大肉蟹你仲可以選擇喜愛嘅煮法，避風塘，薑蔥等等！🍎就揀咗薑蔥～）
❣️ 蒜蓉粉絲蒸蟶子皇～3只：蟶子皇又長又肥美，一個匙都裝唔滿，擺落口時都差唔多塞滿晒成個口，要咀嚼都帶啲困難😂啲蒜蓉多到差唔多滿瀉😅但怕蒜蓉嘅朋友仔唔駛太擔心，蒜味唔會嗆口而且帶點香甜，同蟶子簡直係無敵嘅組合！而粉絲墊底就索晒啲精華，真係唔可以放過！
❣️ 蟹油銀芽炒面：個炒面唔係差，不過相比下似乎個就弱咗啲咁🙈！炒面炒得相當有嚼勁，配上蟹油🦀一齊炒，更添加一份香口惹味嘅口感！越食啲蟹味會越發香濃！
❣️ 碧綠炒帶子：well well 唔好挑戰🍎依道菜周圍都有得食，我知～依個家常菜，只會有一般同難食，雖則依道菜「御膳」嘅算不上好食到嘩，但整體都算中上，爽口嘅西蘭花，配上彈牙嘅帶子，所有材料都剛剛好，唔會太老太腍，又唔會太生，而且份量仲好多！
❣️ 花雕蛋白蒸龍躉球🐟：嘩，咁嘅價錢仲有龍躉食呀😍 龍躉肉質嫩滑但又帶點咬口，鮮味濃郁！花雕味唔算突出，可以接受，而蛋白就可能蒸得剛好，又彈又實！
❣️ 白胡椒爆炒南非鮑魚～3只：啲鮑魚又大又彈，食落非常有嚼勁，而且白胡椒爆炒得非常入味，好香又惹味😋，會有少少少少辣，但係可以接受嘅範圍👍🏻
❣️ 金華玉樹雞半只🐔：雞肉味濃烈，層次分明，皮肉比例平均，而且「雞肉」非常滑嫩，朋友同我講：嘩，真係唔駛點咬，啲雞肉就已經滑落肚🤣（無誇張，我食唔晒打包比朋友食時佢講嘅！我有問佢凍咗哦，要唔要翻熱，佢話就咁食都已經好好味！）
❣️ 士多啤梨骨：啲士多啤梨骨大大舊，肥肉瘦肉比例都幾～肥膏包住晒成舊骨/瘦肉，啲士多啤梨🍓醬汁唔會好似坊間咁大大撻，甜到漏，反而稠度調配得配好，唔會痴笠笠，甜味ok，酸味就無咩～
❣️ 甜品：雲呢拿布丁🍮，質感細滑，而且味道較坊間嘅香濃！原來店家採取原粒雲呢拿籽去烹調，難怪！無諗過私房菜連甜品都咁認真👍🏻
·📣真心覺得朋友無介紹錯，估唔到係工廈入面搵到寶，$1260，3人位，10款菜，咁嘅份量同水準！🍎覺得👍🏻👍🏻，以我唔點推薦餐廳比人嘅性格，都難得地推薦比朋友仔😆
📣 🍎孤陋寡聞就未聽過御膳，但係用餐時見到其實都幾高朋滿座嫁，就係唔訂台就無位食！你可以去到單點（都好多選擇）或者點佢啲2/4/10人套餐等等！你想特別啲都可以直接同佢聯絡，佢地都可按你要求編寫菜單嫁，就係你想點都盡量滿足你☺️
📣 溫馨提示：御膳免開瓶費，切餅費！佢地只收現金嫁‼️而且全店免加一，但茶位就收番每位$2！
張貼
