Le Monde

營業中

休息中

放假同男朋友難得去街就想食下西餐，結果就比我哋搵到呢一間係觀塘工廈嘅法國餐廳。不過整體來講其實佢似一間法國裝修嘅西餐廳😂😂我哋總共叫咗兩個餐，其中一個餐就係芝士焗龍蝦菠菜意大利麵。呢個餐有跟嘢飲同埋餐湯亦都可以加錢去轉餐湯做濃蝦湯。先講吓呢個意粉，其實佢隻龍蝦拆開嚟肉就比較少，但係佢又放埋隻蟹鉗喺入邊，真算有誠意，不過佢嘅肉質就比較粉，應該係唔夠新鮮。不過以百零蚊嘅價錢，呢個質素其實都OK 㗎啦。之後就係加錢轉嘅濃蝦湯，佢應該冇放到龍蝦落去煮，只係放左蝦，所以比起真正嘅龍蝦湯，佢嘅味道其實比較腥，飲幾啖之後就會開始有一浸腥味出嚟。所以其實可以唔使加錢轉就咁要返平時嘅忌廉湯最後就係男朋友叫既呢一塊牛扒，佢整體賣相唔錯嘅，但係就比較薄。然後佢嘅配菜都比較少，只有好少嘅蔬菜同埋有兩舊薯仔去薦底。