瘋狂小面 (佳德商業大廈)

營業中

休息中

Item: 瘋狂小面 (佳德商業大廈)
Rating: 0
Author: lautangkongp

Crazy Noodles (Kai Tak Commercial Building)

1069 食評

味道

環境

服務

衛生

抵食

36216

中環

$51-100

川菜 (四川) 粉麵/米線咪嘥嘢食店

895

資訊:
餐廳:	瘋狂小面 (佳德商業大廈)

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign

lautangkongp

等級3

今次同朋友嚟到中環呢間主打川菜粉麵嘅「瘋狂小面」餐廳，餐廳環境充滿川式風情，見到餐廳用左好多心機裝飾到好有成都感覺🌶️咁今次我地一次過試試佢地招牌菜式😍♡瘋狂牛肉面 / 瘋狂肥腸面♡瘋狂牛肉面嘅紅燒湯底麻辣得黎又鮮香，牛肉煮得軟腍入味，配上新鮮非油炸嘅水面，口感彈牙又掛湯，食落好過癮！至於瘋狂肥腸面，肥腸處理得乾淨，滷得黎又入味，帶少少嚼勁，同麻辣湯底好夾，食到停唔到口🤤♡烏梅汁 + 凍檸茶♡烏梅汁酸甜解膩，飲落好清爽，完美中和麻辣嘅刺激感；凍檸茶茶底香濃，檸檬清新，兩款飲品都係解辣神器🍹♡麻辣夫妻肺片 + 麻辣棒棒雞♡麻辣夫妻肺片嘅牛肚同牛舌切得薄身，口感爽脆，麻辣醬汁香濃帶少少麻，食落好開胃！麻辣棒棒雞嘅雞肉嫩滑，醬汁麻辣得嚟帶住花生香，口感層次豐富，好惹味🌶️♡成都老冰粉 + 紅棗銀耳湯♡食完麻辣嘢，當然要食返啲甜品平衡吓！凍成都老冰粉清涼爽滑，配上紅糖水同花生碎，甜而不膩；凍紅棗銀耳湯滋潤養顏，紅棗香甜，銀耳滑溜，食完好舒服🍧整體嚟講真係好正宗，麻辣紅燒湯底香濃得嚟唔會過嗆，食材新鮮，份量十足！下次一定會再嚟試其他菜式👏真係食到好滿足！

今次同朋友嚟到中環呢間主打川菜粉麵嘅「瘋狂小面」餐廳，餐廳環境充滿川式風情，見到餐廳用左好多心機裝飾到好有成都感覺🌶️咁今次我地一次過試試佢地招牌菜式😍

♡瘋狂牛肉面 / 瘋狂肥腸面♡
瘋狂牛肉面嘅紅燒湯底麻辣得黎又鮮香，牛肉煮得軟腍入味，配上新鮮非油炸嘅水面，口感彈牙又掛湯，食落好過癮！至於瘋狂肥腸面，肥腸處理得乾淨，滷得黎又入味，帶少少嚼勁，同麻辣湯底好夾，食到停唔到口🤤

♡烏梅汁 + 凍檸茶♡
烏梅汁酸甜解膩，飲落好清爽，完美中和麻辣嘅刺激感；凍檸茶茶底香濃，檸檬清新，兩款飲品都係解辣神器🍹

♡麻辣夫妻肺片 + 麻辣棒棒雞♡
麻辣夫妻肺片嘅牛肚同牛舌切得薄身，口感爽脆，麻辣醬汁香濃帶少少麻，食落好開胃！麻辣棒棒雞嘅雞肉嫩滑，醬汁麻辣得嚟帶住花生香，口感層次豐富，好惹味🌶️

♡成都老冰粉 + 紅棗銀耳湯♡
食完麻辣嘢，當然要食返啲甜品平衡吓！凍成都老冰粉清涼爽滑，配上紅糖水同花生碎，甜而不膩；凍紅棗銀耳湯滋潤養顏，紅棗香甜，銀耳滑溜，食完好舒服🍧

整體嚟講真係好正宗，麻辣紅燒湯底香濃得嚟唔會過嗆，食材新鮮，份量十足！下次一定會再嚟試其他菜式👏真係食到好滿足！