影片
更多
2016-06-02
858 瀏覽
早排個個big day母親節 我帶左媽咪去觀塘既一間私房菜 做左啲功課先去既我 見到依間都幾出名 野食又幾特別 所以先帶媽咪去甘遠食 住新界既我地都吾常出甘遠食飯 但都有親戚住九龍個邊 所以個日就探完親戚先過去觀塘食 預早就book定枱 同埋同左餐廳溝通菜式 原本有建議四人既菜單 我見基本都幾岩食 就照餐廳既推介 而價錢就係根據吾同菜單以人頭計既 但都有我分開嗌既個日同屋企人分開去 之後就係觀塘會合 再搵路去餐廳 都幾易搵到 萬能google map 一上到去甘岩有員工係門口 就同我地講御膳係依度啊! 入到去都未有好多人 可能7點幾尚早 裝修好樸實 圓枱好有家人feel 加上幾闊落所以食得幾舒服 影底左個menu既一部分 可以參考一下 不過一入到去見到有一枱食緊避風塘蟹 勁正!坐底左一陣就上湯啦 個湯叫做猴頭菇藥膳瘦肉湯 一上枱覺得幾特別 湯同渣分開上 平時去餐廳少見甘細心 做到甘detail 可能依啲位就體現到私房菜既珍貴 而店員亦會為你劬勞 去盛湯 愛菇既我就食左啲猴頭菇 都咬到 勁多湯汁吸晒落去 但就稍淡 所以一早已經附上既豉油就大派用場
個日同屋企人分開去 之後就係觀塘會合 再搵路去餐廳 都幾易搵到 萬能google map
一上到去甘岩有員工係門口 就同我地講御膳係依度啊!
入到去都未有好多人 可能7點幾尚早 裝修好樸實 圓枱好有家人feel 加上幾闊落所以食得幾舒服
影底左個menu既一部分 可以參考一下 不過一入到去見到有一枱食緊避風塘蟹 勁正!
坐底左一陣就上湯啦 個湯叫做猴頭菇藥膳瘦肉湯 一上枱覺得幾特別 湯同渣分開上 平時去餐廳少見甘細心 做到甘detail 可能依啲位就體現到私房菜既珍貴 而店員亦會為你劬勞 去盛湯
愛菇既我就食左啲猴頭菇 都咬到 勁多湯汁吸晒落去 但就稍淡 所以一早已經附上既豉油就大派用場 而佢依種豉油又吾係好咸個隻 所以點湯渣都幾好 點完仲可以有湯同埋菇既鮮味
之後上左個頭盤先 係麻辣鹵水拼盤 豬腸金錢肚同埋雞絲青瓜乜都有 甘就吾驚會吾岩口味 而我最愛係雞絲 雖然無佢既拍檔粉皮 但都係個隻味 涼拌必點 青瓜又爽口 而金錢肚就較辣 但好入味 豬腸就剛好 質地亦不錯 但都係獨愛雞絲
主菜泥啦 蒜蓉粉絲蒸蟶子 平時係屋企最愛媽咪煮既鮑魚蒸粉絲 泥到依度就試下蟶子先 勁惹味 勁多蒜 我最愛就係蒜同蔥 仲有啲辣椒 加埋啲爆香過既蒜 脆脆地 正! 最讚係個蟶子 好新鮮爽口
泥個CLOSE UP先
啲粉絲煮得剛好 好Q 加埋底下個醬汁食 甘就和味啦
依度大肉蟹好似係必嗌 而今次食既係胡椒炒大肉蟹 屋企人不嬲鐘意薑蔥炒 不過試下新野都要架 依個胡椒口味 又幾合我口味 不嬲食粥啊碗仔翅都必落胡椒粉 而依個大肉蟹就勁重胡椒味 蟹面仲有一層稠少少既茨 食蟹肉既時候舔埋就一流 吾會太咸 但又好重口feel 岩晒我
個蟹蓋都有料到架 有最邪惡既蟹膏
下面個身既蟹肉都幾多架 4個人分剛好
肉質厚實 又入味 上菜速度都OK 食到甘上下就到下一味菜啦 啫啫南非鮑魚
一上枱好多芫茜擺盤 但一拎開啲芫茜 鮑魚現晒身
鮑魚交叉界到靚一靚 甘樣又可以入味啲賣相又正啲 好彈牙 啲醬仲可以鑽到去啲罅到 每人都分到2舊
之後就係我最期待既菊子魚 係東星斑泥架 依碟就12兩既 面頭有柚子為主既醬 入面既魚肉嫩滑 GOOD!而佢既粉都吾厚 個feel有啲似糖醋煮法 但又吾會醬住晒 適中既醬又吾會搞到舊魚淋左 所以我鐘意菊子魚!食左甘多吾同海鮮 泥近都係海鮮但就多甘啲青綠色 仲要係我地都愛既西蘭花 叫做碧綠炒帶子 有帶子又有菇 帶子仲嫩既 依個係重中之重既重點嘛
食完海鮮有肉食 名仲好有趣 金華玉樹雞 依度係半只 個雞蒸到點到即止 所以仲係滑溜溜 配埋金華火腿 味道balance番 而面頭有少少甜甜地 所以依味係五味雜陳唷
見到有肉就嗌左罐藍妹啤啤佢 點少得啊 咸咸地飲啖啤酒 即刻鋸晒
已經幾飽下 原來仲有個炒飯--招牌御膳炒飯 炒到粒粒分明 好香 仲耍係招牌架 入面啲料無欺場 有帶子蝦肉菜等等 真係好味 以為大大碟吾會食得晒 因為我地已經食左甘豐盛既餸 但屋企人都邊話好味邊清晒成碟佢 仲要好似食碟頭飯甘bug泥食 夠豪氣
飯後果吾小得 但上枱個刻真係好震撼 全晚亮點 佢個朵係菠蘿鳥 依個甘吸睛既水果拼盤連隔離枱都泥痴相影 真係吾好意思 好有心機既擺位 連個草莓都雕過泥 而啲菠蘿好甜 所以不斷暴風吸入 食到甘飽都清吾晒 但吾可以晒架所以我地打包左
連個咀都無偷懶 真心係喙泥架 好可愛
個底好深 所以裝左好多菠蘿!!!
last啦真係 最後就係紅豆椰汁糕 甜品都無花假 好動L 滑溜溜 紅豆甜甜的 伴泥食真係絕配 仲有啲雜莓
今次真係滿載而歸 個肚大左 入面全部都係food!!! 泥近父親節再book泥食 早排食完依家已經好掛住
張貼
