瀛鍋

營業中

休息中

九龍城出名多野食，今次黎左一間開左十幾年既火鍋店打邊爐~ 刺身拼盤:🦑🐟有海石蚌，希靈魚同墨魚，每一款都好新鮮。每片魚肉厚度平均，魚肉肉質通透，配埋柚子醋一齊食鮮味更突出~ 手切鴛鴦牛(本地手切牛& 全天然霜降牛)🐂兩款牛都切得幾大塊。本地手切牛既牛味比較濃，霜降牛食落有油香同比較嫩滑~ 雜錦餃🥟有鮮蝦雲吞、韭菜餃同魚皮餃。鮮蝦雲吞既蝦鮮味彈牙，韭菜餃勁香口~ 花膠雞湯🐥入面除左有好多雞肉之外，仲有花膠，紅棗。湯既味道好濃，啊姐話師傅煲左幾粒鐘~個湯煲滾，我地飲左幾碗先打邊爐，補完好滋潤~ 餐廳地方好大，有2層，有d房間好靚，好岩同一大班人過黎食野~有細路仔仲可以帶落遊戲區放電😂