陳通記

營業中

休息中

一講長洲美食, 頭幾位必定見到陳通記上榜餐廳走傳統茶記路線, 除咗粉麵亦有三文治西多士提供一坐低即刻嗌碗名物沙嗲牛肉米通, 店員預先提醒冇咁快有唔駛催單, 於是就叫多份西多士食住先西多士冇任何邪惡流心既網紅元素, 不過中間既花生醬好香, 煎得外脆內軟好好食, 眨吓眼就成份食哂😂等左幾乎半個鐘, 終於等到呢碗熱辣辣既沙嗲牛肉米通, 米通個樣有啲似通心粉同狗仔粉既混合, 中間有窿所以好掛汁,配上沙嗲湯底一流湯底既稀杰介乎於汁同醬之間,可以食到少少碎花生, 每一啖都食到好香濃既港式沙嗲香, 可能湯底太出色, 牛肉反而顯得冇乜特別, 但都食得出唔係用鬆肉粉醃到冇哂口感既牛, 黎開長洲記住一試😋