昭和食堂

營業中

休息中

好耐無去過台灣同日本。曾經在台灣食過日式廚師發辦既昭和食堂，真係一試難忘。聽到原來香港有一間同名店舖以為兩者有聯繫，即刻診政府開放晚市book位黎試吓。點知食落完全唔係果回事，根本就係抄襲人地個名既山寨店。完全做唔到台灣同日本昭和食堂既服務同食物質素。一入到店內，唔知係咪近排有限聚令生意唔係太好，店員態度奇差。食物價錢又唔係平。唯有抱住：「算啦試下好唔好食」既心態，叫左幾樣店員推介既野食。但食物黎到已經覺得中左伏，首先D野食既擺位同外表都唔好，其次份量又唔多。五十幾蚊一份得丁屎咁多多，實在好難令人覺得係合理。至於味道，好老實真係唔得。一間中價既日式店，又打住昭和食堂既旗號，但個質素係咁真係強差人意。