URBAN Café Commune (屯門市廣場) (已結業)

今日有事到屯門一趟，順便食埋個午餐，呢間urban嘅選擇都幾多，門口嘅蛋糕同埋牛角包都十分吸引，最後我叫咗「慢煮法國黃油春雞」（ $118 ）。主菜未黎之前，先飲附送嘅龍蝦湯，味道都唔錯，龍蝦味突出。主菜出場，雞有半隻，皮唔係好脆，肉都夠嫩，另外仲有沙律同埋薯條配搭，啲薯條又幾好食喎！門口咁靚嘅蛋糕又點可以唔試呢？午餐只係需要加$25就有一件，於是要咗一款士多啤梨蛋糕，有趣在有一支針筒插着，比你自己吱啲士多啤梨醬出嚟，唔好以為白色嗰啲係cream，應該係蛋白嚟嘅，所以唔會甜到漏，蛋糕好食呀！午餐仲附送飲品，冇加錢轉其他特飲，淨係要咗佢嘅凍蜜桃茶，都好唔錯啊！