影片
更多
2025-04-11
138 瀏覽
今日去左屯門安定既HANDS商場，搵到一間台灣菜餐廳「小胖台灣麵食」，都幾有驚喜。餐廳位置方便，落輕鐵安定站，行多幾步就到，商場A區地下，唔難搵。地方闊落企理，價錢平親民，職員好有禮，整體環境加分。講下食物，今次試左「濃.純.香牛湯麵」，個牛骨湯真係幾香濃，似乎經過長時間熬製，麵條亦用台灣手工麵，煙韌夠哂彈牙，啱晒鐘意濃湯既朋友。配埋夜市排骨酥，入口鬆化，唔會覺得過油膩。再加台灣滷水蛋同清新既水蓮菜，味道配搭非常平衡。另外試左米香椒麻酸菜湯麵，辣得黎帶少少酸味，幾醒胃。加埋手切封門柳，肉質滑嫩，麻辣台灣鴨血吸晒湯汁入面既香料味。小食點左酥炸和風牛蒡條，炸到外脆內嫩，食落唔會乾柴。飲品方面都幾出色，白桃珍珠烏龍茶清新唔甜膩，珍珠夠煙韌彈牙，茶香都幾突出。而金橘檸檬帶住陣陣果香酸味，飲落幾消滯。佢仲有會員app，用嚟儲分同換優惠，優惠幾多，值得一試。如果你鍾意台式食物，呢度係一個幾唔錯既選擇，無論係朋友聚會定係一家大細，感覺都幾舒適。小胖台灣麵📍屯門鄉事會路2A號愛定商場(H.A.N.D.S) A區1樓A122號舖
講下食物，今次試左「濃.純.香牛湯麵」，個牛骨湯真係幾香濃，似乎經過長時間熬製，麵條亦用台灣手工麵，煙韌夠哂彈牙，啱晒鐘意濃湯既朋友。配埋夜市排骨酥，入口鬆化，唔會覺得過油膩。再加台灣滷水蛋同清新既水蓮菜，味道配搭非常平衡。
另外試左米香椒麻酸菜湯麵，辣得黎帶少少酸味，幾醒胃。加埋手切封門柳，肉質滑嫩，麻辣台灣鴨血吸晒湯汁入面既香料味。小食點左酥炸和風牛蒡條，炸到外脆內嫩，食落唔會乾柴。
飲品方面都幾出色，白桃珍珠烏龍茶清新唔甜膩，珍珠夠煙韌彈牙，茶香都幾突出。而金橘檸檬帶住陣陣果香酸味，飲落幾消滯。
佢仲有會員app，用嚟儲分同換優惠，優惠幾多，值得一試。如果你鍾意台式食物，呢度係一個幾唔錯既選擇，無論係朋友聚會定係一家大細，感覺都幾舒適。
小胖台灣麵
📍屯門鄉事會路2A號愛定商場(H.A.N.D.S) A區1樓A122號舖
張貼
