建榮特色桑拿菜火鍋店

營業中

休息中

夠晒獲氣建榮特色桑拿菜火鍋店 (屯門)屯門建榮街32號建榮熟食市場地下C6號舖今日放工帶阿媽去見識吓乜嘢係地道大排檔，夠晒鑊氣，夠晒熱辣辣，但開住大風扇，飲可樂，食小炒，爽。好多街坊嚟食飯，全部都啤啤佢，一大班friend吹水天地，真係好地方。今日叫咗三味小炒。椒鹽鮮魷 108炸得非常酥脆，一啲都唔會韌，椒鹽嘅辣真係辣，食到索索聲，要飲番可樂去解辣，炸蒜蓉好好食我係啖啖食。招牌小炒皇 108蝦🦐、魷魚、腰果、韭菜花、菜甫、蝦乾仔，配料非常充足，名副其實嘅小炒王，所有味道都好配合。菠蘿咕嚕肉 108新鮮燒菠蘿🍍賣相一流！甜味十足，真係好清新，咕嚕肉外脆內嫩，厚肉唔油膩，甜酸醬稠度得宜，食到停唔到口，正😄。