The Platter (悦品度假酒店‧屯門)

營業中

休息中

朋友生日就近近地黎到位於屯門站步行3分鐘就到的「悅品度假酒店」食半自助晚餐。入到餐廳裝修以火車為主題，有多處打咭位。餐牌上主菜都有七款選擇，食物未到之前就到餐廳中間位置取食物，有沙律、海鮮、南歐風味火腿、餐湯、甜品及小食等。南歐風味火腿火腿入囗味道濃郁，鹹鹹地配搭埋蜜瓜一齊食，味道一流。烤波士頓龍蝦配香檳忌廉汁及芝士賣相及味道不錯，芝士味道好香口，原隻龍蝦啖啖肉好新鮮爽口。海鹽烤日本鹿兒島A4和牛肩胛扒配紅酒汁牛扒有手長般大，我們點了七成熟剛剛好，牛肉味濃郁，入口鮮嫰多汁，加入紅酒汁味道更加有層次。最後食埋甜品做結尾，呢一餐好滿足。