南瀛水產

甲羅燒即叫即燒，外皮燒到微焦，燒緊已經聞到海鮮香味，蟹籽蟹膏蟹肉混合鵪鶉蛋，入口真係非常Juicy，唔需要調味已經有鹹香。海膽杯呢度嘅創意料理，海膽杯分為上下兩層，材料豐富，上層有海膽、帆立貝、魚子、吞拿魚蓉沾上少少Wasabi豉油，已很鮮味。下層有柚子蘿蔔漬，很清新，完美地平衡了味道。串燒類:焦糖燒菠蘿和骨付腸 菠蘿外焦內軟，甜度適中，很開胃。骨付腸肉質鮮嫩，佐酒一流。軟殼蟹沙律🥗、海鮮沙律 🥗沙律蔬菜搭配黑醋汁，酸酸甜甜，很清爽！軟殼蟹酥脆、海鮮魚沙律豐富，兩者都咁開胃。另外仲有 牛肉烏冬、海老天婦羅 和炸雞小食全部都係即叫即整，上到枱仲熱騰騰，特別一提炸雞，香脆得來又勁大件，店家真係完全冇吝嗇