一方堂居酒屋

營業中

休息中

有時去居酒屋唔一定去飲酒約朋友，簡單食個晚飯都唔錯，尤其是樓上啲餐廳，貪佢容易搵位同靜靜地。今晚上咗去厚福街藍馬9樓呢間一方堂，手機落單清清楚楚。首先叫咗一份醬油漬翡翠螺同菠菜油揚沙律，估唔到腐皮同沙律咁夾，翡翠螺又夠爽口。主食叫咗個銀鱈魚西京燒set，已經連埋白飯。塊銀鱈魚好厚好大件，收百零蚊有咁大件都好合理。另外又叫多個油甘魚鮫Share，都燒得夠香口。最後見隔離啲串燒好香，又叫個蘆筍牛肉卷過下口癮。兩個人大約$500到，鍾意靜靜地嘅可以試下。