來多碗車仔麵 (上海街)

營業中

休息中

車仔麵由細食到大，但唔知幾時開始變左高檔野，野食仲要越黎越唔似樣，所以有好一段時間都唔想食。 今日經過上海街，見凍凍地就好掛住呢陣味，黎到呢間來多碗車仔麵，就入黎食啦。其實有時候食車仔麵仲正過打邊爐，鍾意落咩餸都得，有菜又有麵，湯底又正，真係好正。呢度既價錢都好大眾化，每個餸最貴都係$15, 大大碗都係一百蚊左右，真係抵到爛。一行到門口就會問食咩麵，點好再搵位坐，好地道。因為凍凍地有啲餓就想叫多啲，就叫左牛筋，糖心蛋，生菜，白蘿白，墨丸，麻辣雞腎，獅子狗，芝士腸，豬紅，跟米粉。 哈哈，超滿足。滷水湯底超好味，白蘿白係車仔麵既靈魂，好甜，糖心蛋都好juice, 麻辣雞臂夠野味，豬紅都好夠味。 最正係佢啲餸夠大件又足料，唔會話叫多左就比少啲，每個餸都好啱味，真係好難得，去邊度搵。要話吸引外來人食香港野，呢間車仔麵真係食得過。