尚海人家 (宏基商業大廈)

營業中

休息中

餐廳：尚海人家地點：上環摩利臣街菜式：上海菜餐牌：招牌生煎、健康菜飯、湯麵類、拌麵類、賞味小食等，都有人氣熱賣皇牌套餐。皇牌四色生煎包 $72呢個皇牌四色生煎包正，好有特色！首先我覺得外賣凍左先食仲好，因為唔會辣洗個嘴！先咬開包皮少少，然後吸左啲湯汁先，入面啲湯汁吸極都有，絕對係爆汁，而個湯唔會太油，啲肉都鮮，份量唔少。個底好脆，面頭灑上蔥花同黑白芝麻粒。另外附上獨立包裝醋。皇牌四色包括：皇牌生煎包頂級黑松露生煎包：帶適量黑松露味爆汁瀨尿蝦生煎包：好有海鮮味蟹皇生煎包：就再多啲蟹皇香特別欣賞呢度配有少少胡麻醬沙律雜菜可解膩。 上海排骨菜飯 $52 秘製上海炸排骨一開多件，炸得外脆內嫩，凍左都仲好香口。同樣伴有胡麻醬沙律雜菜。菜飯滿滿一盒，好多菜，食落好有咬口。蔥油拌麵 $37蔥油拌麵伴有炸脆脆同炸昆布。麪條幼身，醬油味濃，好香口。凍低糖豆漿$12係枝裝。外賣盒包裝乾淨衞生冇漏。