金寶 (已搬遷) 新店位置

自從呢度由快餐形式變為落單叫嘢食之後，一直都未有再來過。呢日路過附近，想到這裡，於是來幫襯。無見幾年，呢度的環境與從前分別不大，店子小小，裝修陳設同以前相差不遠，牆上仍然掛著搞鬼得意的宣傳畫，餐牌也搞鬼非常，顯得頗有特色。 呢次叫的是泰式海南雞飯同扎肉春卷凍檬。先講個海南雞飯，碟雞份量不太多，大概有六件左右，味道算係不過不失，雞肉唔算鞋，但亦唔算滑，雞味只係一般。個湯油太多，不太健康，點的醬油味道就都不錯。到個扎肉春卷凍檬，呢個檬的材料有三件札肉同三件春卷，份量算ok啦，不過d春卷唔夠脆口，咬落口感不夠，札肉就普普通通咁，無乜特別。要提的是這裡的魚露汁，味道硬是覺得怪怪的，不太像在其他地方嚐過的魚露汁，究竟是什麼原因呢？就不得而知了。順帶一提的是，呢次幫襯唔知係咪自己黑仔的關係，食食下碟檬竟然發現有隻小小的飛蟲在檬上出現，雖然一發現就已經消滅佢，而且隻飛蟲只係超小型，都令自已對呢度的衛生環境打了一個折扣呢！