影片
更多
2025-03-18
77 瀏覽
📍八瀧櫻花雪景主題 + 創意20品盛宴～喺尖沙咀呢間八瀧食我媽卡些真係視覺味覺雙重享受，儀式感爆燈！今次試佢哋$1388晚市Omakase足足 20道菜，由前菜到甜品樣樣驚喜，仲可以按口味訂製菜單，夠晒貼心～ 前菜✨鱈魚白子 水母刺身配梅酒啫喱北海道直送嘅白子綿滑到似雪糕，淋上柚子酸汁，酸香醒胃，一啖落去即刻「溶」喺舌尖！ 🥚茶碗蒸鮮味十足的螢光魷魚配松葉蟹，唔會腥，蛋好滑可以更品嘗到海鮮的鮮味🦪時令日本蠔肥嘟嘟嘅生蠔鋪滿蘋果啫喱同三文魚籽，柚子皮碎同紫蘇花點綴，鮮甜中帶果香，蠔控狂喜。🦐北海道牡丹蝦 × 瀨尿蝦全食師傅將牡丹蝦刺身、酥炸蝦頭、蝦膏醬同蝦油一次過奉上！蝦肉彈牙鮮甜，蘸埋濃郁蝦油，鮮味衝擊腦門～ 🐟赤鯥 × 備長炭燒大拖羅赤鯥魚味濃郁，炭燒過嘅大拖羅油脂香爆棚！底層鋪滿酸爽洋蔥漬，一啖油潤一啖解膩，平衡到極！ 🍣青森鮟康魚肝橙黃色魚肝新鮮到發光！第一啖原味感受細滑creamy，第二啖加wasabi激發鮮香，醬油漬三日嘅功夫果然唔同！ 🌸天婦羅海膽拿破崙「咔嚓！」紫菜天婦羅脆到震，夾住北海道海膽同吞拿魚蓉，鹹甜交織。最誇張係師傅灑淡雪鹽時，櫻花櫥窗即刻飄雪，BGM
櫻花雪景主題 + 創意20品盛宴～喺尖沙咀呢間八瀧食我媽卡些真係視覺味覺雙重享受，儀式感爆燈！今次試佢哋$1388晚市Omakase足足 20道菜，由前菜到甜品樣樣驚喜，仲可以按口味訂製菜單，夠晒貼心～
前菜
✨鱈魚白子 水母刺身配梅酒啫喱
北海道直送嘅白子綿滑到似雪糕，淋上柚子酸汁，酸香醒胃，一啖落去即刻「溶」喺舌尖！
🥚茶碗蒸
鮮味十足的螢光魷魚配松葉蟹，唔會腥，蛋好滑可以更品嘗到海鮮的鮮味
🦪時令日本蠔
肥嘟嘟嘅生蠔鋪滿蘋果啫喱同三文魚籽，柚子皮碎同紫蘇花點綴，鮮甜中帶果香，蠔控狂喜。
🦐北海道牡丹蝦 × 瀨尿蝦全食
師傅將牡丹蝦刺身、酥炸蝦頭、蝦膏醬同蝦油一次過奉上！蝦肉彈牙鮮甜，蘸埋濃郁蝦油，鮮味衝擊腦門～
🐟赤鯥 × 備長炭燒大拖羅
赤鯥魚味濃郁，炭燒過嘅大拖羅油脂香爆棚！底層鋪滿酸爽洋蔥漬，一啖油潤一啖解膩，平衡到極！
🍣青森鮟康魚肝
橙黃色魚肝新鮮到發光！第一啖原味感受細滑creamy，第二啖加wasabi激發鮮香，醬油漬三日嘅功夫果然唔同！
🌸天婦羅海膽拿破崙
「咔嚓！」紫菜天婦羅脆到震，夾住北海道海膽同吞拿魚蓉，鹹甜交織。最誇張係師傅灑淡雪鹽時，櫻花櫥窗即刻飄雪，BGM仲係《First Love》⋯⋯視覺味覺雙重浪漫，打卡位No.1！
壽司十貫｜當季鮮味大爆發
🍣北海道帶子
🍣深海池魚
🍣碟魚 × 碟魚邊
🍣赤身
🍣縞蝦
🍣大拖羅
油脂甘香入口即化，幸福感到頂！
🍣燒蠔巨型厚岸蠔炭燒後依然juicy，蠔汁爆棚！
🍣星鰻
🍣赤海膽軍艦
海膽多到瀉，濃郁到似食緊雪糕！
🍣忌廉玉子燒
玉子軟滑帶微甜，完美收尾～
🍲自家製魚湯
奶白色魚湯用白蘭魚熬足5粒鐘，濃到黏嘴唇，鮮味直入骨髓！
🍈甜品雙響
靜岡蜜瓜爆汁清甜，士多啤梨香甜多汁，飯後一啖瞬間清爽～
♡♡♡♡♡♡♡♡♡♡♡♡♡♡♡♡♡
🍴店鋪：八瀧
📍地址：尖沙咀白蘭軒道2號富峰行3樓
💰消费：1388@
♡♡♡♡♡♡♡♡♡♡♡♡♡♡♡♡♡
#八瀧 #櫻花#omakase #海膽拿破崙 #尖沙咀美食 #包場派對 #隱世廚師發辦 #尖沙咀omakase
張貼
