影片
更多
2024-03-31
14 瀏覽
[ N.28 Teppanyaki ]尖沙咀K11 Art Mall附近呢間日式🇯🇵餐廳主打西日style席前鐵板燒料理，午市鐵板燒有商務套餐或精選套餐近十種選擇。✿ 午市商務鐵板套餐 $380/位套餐有前菜、沙律、鐵板南非鮑魚、鐵板大蝦、鐵板美國安格斯牛柳、鐵板炒飯、季節湯物及甜品，午餐嚟講都幾豐富。前菜有牛蒡、蘿蔔等日式漬物。沙律🥗黑醋汁蘆薈沙律，食完好開胃。鐵板南非鮑魚配乾貝汁🔥🇿🇦餐廳有魚缸養住鮑魚、龍蝦、生蠔等海鮮，鮑魚放上鐵板時仲識郁，非常新鮮，而且都幾大隻。師傅將鮑魚去殼後切片，以鮑魚肝醬、西班牙胡椒絲等配味，鮑魚爽口彈牙，味道鮮美。鐵板大蝦配雞尾酒醬🔥🦐師傅將大隻虎蝦煎熟後去殼，啖啖蝦肉蝦味濃郁，配微酸帶辣嘅醬汁，肉質結實。鐵板美國安格斯牛柳🔥🇺🇸🐮🥩師傅將牛柳肉切粒煮至食客要求嘅生熟度，牛柳粒原汁原味多肉汁，肉味香濃，另有麵豉醬、蒜香鹽、昆布鹽或獨子蒜調味。鐵板炒飯🔥🍚炒飯粒粒分明，炒得好香口。而且加咗牛肉粒，口感焦香，肉味濃厚。季節湯物🥣加入昆布及豆腐嘅鰹魚湯，熱辣辣魚味好出。甜品🍨是日款式係綠茶雪糕，綠茶及奶味濃郁。午市精選套餐✿ 香煎鐵板南非鮑魚拼北海道帶子 $
尖沙咀K11 Art Mall附近呢間日式🇯🇵餐廳主打西日style席前鐵板燒料理，午市鐵板燒有商務套餐或精選套餐近十種選擇。
✿ 午市商務鐵板套餐 $380/位
套餐有前菜、沙律、鐵板南非鮑魚、鐵板大蝦、鐵板美國安格斯牛柳、鐵板炒飯、季節湯物及甜品，午餐嚟講都幾豐富。
前菜
有牛蒡、蘿蔔等日式漬物。
沙律🥗
黑醋汁蘆薈沙律，食完好開胃。
鐵板南非鮑魚配乾貝汁🔥🇿🇦
餐廳有魚缸養住鮑魚、龍蝦、生蠔等海鮮，鮑魚放上鐵板時仲識郁，非常新鮮，而且都幾大隻。師傅將鮑魚去殼後切片，以鮑魚肝醬、西班牙胡椒絲等配味，鮑魚爽口彈牙，味道鮮美。
鐵板大蝦配雞尾酒醬🔥🦐
師傅將大隻虎蝦煎熟後去殼，啖啖蝦肉蝦味濃郁，配微酸帶辣嘅醬汁，肉質結實。
鐵板美國安格斯牛柳🔥🇺🇸🐮🥩
師傅將牛柳肉切粒煮至食客要求嘅生熟度，牛柳粒原汁原味多肉汁，肉味香濃，另有麵豉醬、蒜香鹽、昆布鹽或獨子蒜調味。
鐵板炒飯🔥🍚
炒飯粒粒分明，炒得好香口。而且加咗牛肉粒，口感焦香，肉味濃厚。
季節湯物🥣
加入昆布及豆腐嘅鰹魚湯，熱辣辣魚味好出。
甜品🍨
是日款式係綠茶雪糕，綠茶及奶味濃郁。
午市精選套餐
✿ 香煎鐵板南非鮑魚拼北海道帶子 $228
同行朋友點選咗呢款套餐，價錢實惠。套餐同樣有沙律、季節湯物及甜品，另外跟一碗白飯(轉鐵板炒飯+$20)。
日本🇯🇵帆立貝肉質鮮嫩，口感結實，配羊肚菌及鮟鱇魚肝醬，再自行加少少紫蘇花🪷調味，味道層次昇華。
總結🫦
午市鐵板燒套餐價錢親民，而且可以坐席前位置觀賞👀廚師廚藝。廚師烹煮美國安格斯牛柳時更加入白蘭地，做出火焰🔥效果好有打卡感。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
N.28 Teppanyaki
地址：尖沙咀棉登徑28號錦榮商業大廈地舖
電話：2388 8990
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
張貼
