MONMONO

營業中

休息中

最近朋友講開食西餐佢推介係尖沙咀裝修好靚又富有藝術感🦋既餐廳，叫做「monmono 」特登叫埋熱愛藝術同食嘅朋友去試下lunch set，入到去見到係藍色系設計，好似置身藝術館中，朋友藝術家上身，周圍自拍👩🏻‍🎨先嚟個甘鯛立鱗燒，首先擺盤好靚，色澤又光鮮。甘鯛好新鮮，尤其佢外表脆口，濃郁既海鮮味同嫩滑既口感，朋友都食到心心眼啊💜再來法式油封鴨腿，淨係個賣相都已經好吸引。鴨脆皮香口，肉質鮮嫩多汁，每一啖都有香草味，令人回味無窮。外皮金黃酥脆，入口爽脆，好開胃💚跟住蕃茄湯真係一流！口感濃厚，每一啖都有濃郁既蕃茄味，微酸又開胃🧡仲有泰式燒牛肉沙律，啲燒牛肉真係超好味。牛肉肉質滑溜，牛肉味又濃厚，加上爽口既沙律菜，爽脆又清新🤍呢間店既設計又靚，擺盤又細心、食物又好味，仲要星期二既cocktail 同mocktail 都買一送一，超抵，必定會再嚟！