KABOOM

超豐富嘅泰式西餐! 過咗晚飯時間都仲係咁多人，全因呢度嘅雞尾酒充滿特色，有超可愛浴缸造型加埋橡皮小鴨嘅加持，又可以打卡又好飲🫡花花加上維景簡直係拍拖聚會勝地！其他款式都非常精緻漂亮😳食物方面最鍾意小食拼盤，多款泰式炸物送酒一流～全部熱辣辣‼️‼️仲有三文魚他他配上米通口感豐富，份量都算多！主菜就叫咗青咖喱油封鴨腿同埋八爪魚意粉😛青咖喱油封鴨腿比較重口味，配埋一齊食別有一番風味！😝😝八爪魚都好大條！