影片
更多
2024-04-24
0 瀏覽
近排終於忙完手上嘅嘢，可以約朋友出街飲吓嘢。我自己比較鍾意飲嘢同晚餐係同一個地方，好怕轉場，但係無奈好多時飲嘢嘅地方食物質素都好一般，所以如果難得搵到有酒吧嘅嘢食係高質嘅話就好想再去。呢間餐廳都符合我嘅想法，佢有好多Cocktail嘅選擇，我哋今次揀咗Butterfly同埋Free World，外型非常討好，打卡一流。最緊要係佢嘅食物質素都好高，我哋叫咗幾個dishes都非常好食，最鍾意係佢個避風塘風味墨魚麵，個蜆估唔到勁新鮮，意粉嘅調味適中，好食過真正嘅重口味避風塘，唔好諗住墨魚麵就會整到成口黑色，呢一款無呢種問題，同男仔去食都唔會核突。另外都好欣賞佢個意式飯球，炸得夠脆，送酒一流。軟殼蟹沙律都唔錯，同埋黑松露意大利飯軟硬適中，仲有好多野菌。坦白講呢到性價比都算幾高，仲要喺尖沙咀K11 Art Mall隔離，約人飲嘢真係一流，如果有朋友食煙，佢仲有室外位置，氣氛都好好，趁佢happy hour時間嚟飲品都會平少少，呢個價錢尖沙咀來講算係一個幾好嘅選擇！
近排終於忙完手上嘅嘢，可以約朋友出街飲吓嘢。我自己比較鍾意飲嘢同晚餐係同一個地方，好怕轉場，但係無奈好多時飲嘢嘅地方食物質素都好一般，所以如果難得搵到有酒吧嘅嘢食係高質嘅話就好想再去。
呢間餐廳都符合我嘅想法，佢有好多Cocktail嘅選擇，我哋今次揀咗Butterfly同埋Free World，外型非常討好，打卡一流。最緊要係佢嘅食物質素都好高，我哋叫咗幾個dishes都非常好食，最鍾意係佢個避風塘風味墨魚麵，個蜆估唔到勁新鮮，意粉嘅調味適中，好食過真正嘅重口味避風塘，唔好諗住墨魚麵就會整到成口黑色，呢一款無呢種問題，同男仔去食都唔會核突。
另外都好欣賞佢個意式飯球，炸得夠脆，送酒一流。軟殼蟹沙律都唔錯，同埋黑松露意大利飯軟硬適中，仲有好多野菌。
坦白講呢到性價比都算幾高，仲要喺尖沙咀K11 Art Mall隔離，約人飲嘢真係一流，如果有朋友食煙，佢仲有室外位置，氣氛都好好，趁佢happy hour時間嚟飲品都會平少少，呢個價錢尖沙咀來講算係一個幾好嘅選擇！
張貼
