燒烤堂

營業中

休息中

之前陪屋企人去食呢間串燒店，我本人其實就唔係特別鍾意食串燒，不過諗住去試一試，位置雖然喺諾士佛台，但其實有少少偏僻同難搵。一入到去就覺得個環境比普通一般串燒店好啲，坐得比較舒服，又唔會太迫，又唔會太多油煙。食物種類係非常之多，我自己就冇確實統計，不過我諗就都接近100樣，有肉類、蔬菜、海鮮等等。雖然就一定會比較油膩，呢個都係串燒嘅通病，但係我覺得每日食物嘅味道都幾好，可以話係色香味俱全。服務態度都唔錯，上菜速度好快，不過就會有一個半小時嘅限時。有時會多人，所以我會建議預先book位。