影片
更多
2024-06-28
34 瀏覽
位於海港城既地舖屬於尖沙咀既中心地帶 極之方便🚶🏻喜好購物既朋友 買到咁上下就可以黎食番餐大餐不過記得預先訂位😛係海港城開店 門面果然格外高貴 入到去卻係另一番景象傳統日系純木風格既設計 燈光偏黃 有溫暖感😊用日本空運原木製作既壽司吧枱 亮澤光鮮可以比三名師傅同時大顯手藝 招呼18位客人中意包場可以揀7人獨立房😃作為正統江戶前壽司既初心者 🥹開餐之前都幾緊張 又好多野想問問過先知 例如壽司醋飯既醋香會帶出魚生既鮮味好彩當晚店員好親切 解說詳細來自北海道既師傅 一次過應付4位客人節奏唔趕 不疾不徐 用餐體驗非常好💯💯今次叫左Sumeragi皇 加埋一約二千元既套餐🔥包括前菜 刺身 燒物 壽司 湯 甜品 匠心精製既前菜🍀🥢金絲瓜 南瓜切成一絲絲混合生薑絲&鏗魚汁 幾清新🥢慢煮笠貝 帶少少醬汁既味道 幾有咬口🥢香魚甘露煮 甘甜 味道較濃現場切極鮮刺身🐟🥢燒鏗魚生洋蔥加日式芥茉&鏗魚醬油漬 好濃味 刺激味蕾🥢平政魚 配昆布啫喱&九條葱 包住食 魚肉厚身 愈咬魚味愈出精品煮物&燒物🍖🥢慢煮北海道八爪魚 招牌菜式 師傅仲攞埋成條八瓜魚腳出黎 口感好軟好淋好入味 可以配柚子胡椒/ 芥茉🥢燒目光魚一
屬於尖沙咀既中心地帶 極之方便🚶🏻
喜好購物既朋友 買到咁上下就可以黎食番餐大餐
不過記得預先訂位😛
係海港城開店 門面果然格外高貴
入到去卻係另一番景象
傳統日系純木風格既設計 燈光偏黃 有溫暖感😊
用日本空運原木製作既壽司吧枱 亮澤光鮮
可以比三名師傅同時大顯手藝 招呼18位客人
中意包場可以揀7人獨立房😃
作為正統江戶前壽司既初心者 🥹
開餐之前都幾緊張 又好多野想問
問過先知 例如壽司醋飯既醋香會帶出魚生既鮮味
好彩當晚店員好親切 解說詳細
來自北海道既師傅 一次過應付4位客人
節奏唔趕 不疾不徐 用餐體驗非常好💯💯
今次叫左Sumeragi皇
加埋一約二千元既套餐🔥
包括前菜 刺身 燒物 壽司 湯 甜品
匠心精製既前菜🍀
🥢金絲瓜 南瓜切成一絲絲混合生薑絲&鏗魚汁 幾清新
🥢慢煮笠貝 帶少少醬汁既味道 幾有咬口
🥢香魚甘露煮 甘甜 味道較濃
現場切極鮮刺身🐟
🥢燒鏗魚生洋蔥加日式芥茉&鏗魚醬油漬 好濃味 刺激味蕾
🥢平政魚 配昆布啫喱&九條葱 包住食 魚肉厚身 愈咬魚味愈出
精品煮物&燒物🍖
🥢慢煮北海道八爪魚 招牌菜式 師傅仲攞埋成條八瓜魚腳出黎 口感好軟好淋好入味 可以配柚子胡椒/ 芥茉
🥢燒目光魚一夜干 魚皮夠脆 油香豐富配埋蘿蔔蓉 口感平衡
一貫入魂既手握寿司🍣
🥢伊佐木 魚鮮味突出 較軟身
🥢深海池魚 較厚身 口感帶點爽脆
🥢北海道北寄貝 撒左青檸汁&岩鹽 偏清爽
🥢鹿兒島車海老 幾大隻蝦 熟度岩岩好 溫暖帶甜
🥢紫菜包燒赤睦 滿滿魚油香 食完口腔會被魚油充滿 好美味
🥢赤身醬油漬 熟成十日 口感獨特 明顯同其他魚唔一樣
🥢中拖羅 魚香同油脂香同樣好突出
🥢北海道馬糞海膽&白海膽 份量好多 型態完整唔會水水的 鮮味十足
🥢穴子 用了醬燒既方法 肉感十足 配上醬油甜味 好夾
食到呢度已經好飽 點知仲有😵💫
🥢玉子燒 傳統江戶前製法 外型尤如焗蛋糕 非常鬆軟 口道帶高湯同蝦既鮮味
🥢味噌湯 用溫暖的湯汁收結 飲完好舒服
🥢白桃梅酒啫喱 自家製 帶明顯酒香 白桃極甜
按食量仲可以追叫 不過我就好夠飽啦
今次試左好多種唔同既魚 聽都未聽過 長知識！
個人最中意海膽兩食 一次過比較兩種海膽 機會難得🥰🥰🥰
方便指數: 4.5/5
環境指數: 5/5
美味指數: 4/5
回頭指數: 4.5/5
地址: 尖沙咀廣東道3-27號海港城港威大廈地下G111號舖
張貼
