影片
更多
2021-11-21
130 瀏覽
之前食過幾間齋菜，都偏中式，而呢間就中西都有，試咗幾樣嘢味道都好好味，真心唔錯。仲有一人餐、四人餐，幾個人聚會都ok。套餐包前菜兩款紫薯紅菜頭波波，呢個沙律比較西式，紫薯同埋紅菜頭本身都有少少甜味，加上佢嘅醬汁幾開胃，上面有苜蓿芽，好fresh。另一款就偏中式，新鮮嘅萵筍加埋黑木耳，醬汁帶有少少麻辣，刺激味蕾。套餐包一款手卷，二選一我揀咗芒果牛油果苜蓿芽手卷，原來以為會好奇怪，入面都係苜蓿芽，點知食落好好味，有驚喜，佢嘅苜蓿芽有加少少沙律醬，所以唔會覺得好生，而且用芽菜代替米飯，唔會滯。湯，一中一西，二揀一我就揀咗中湯，姫松茸竹笙黃耳百合燉湯。湯勁足料，有幾種唔同嘅菇，所以好鮮甜，原來唔需要肉都可以燉到好好飲嘅湯。主菜六選一我揀咗牛肝菌松子菠菜忌廉意大利飯配吉列牛油果。個飯好好味呀，首先係入面好多菇，好香，仲有啲煮到好冧好入味嘅菠菜，加上香濃忌廉汁，好好味😋另外吉列牛油果都好香脆，正。甜品都有幾款選擇，我就選擇加$28轉千層蛋糕，今期係椰香紫薯味，啲cream又整得幾滑幾好味，同出面買嘅甜品店有得揮😊食齋其實都可以食得好好，餐廳將啲菜同菇處理得好好，帶出佢哋本身嘅鮮味同香味，而且食物多
之前食過幾間齋菜，都偏中式，而呢間就中西都有，試咗幾樣嘢味道都好好味，真心唔錯。仲有一人餐、四人餐，幾個人聚會都ok。
套餐包前菜兩款
紫薯紅菜頭波波，呢個沙律比較西式，紫薯同埋紅菜頭本身都有少少甜味，加上佢嘅醬汁幾開胃，上面有苜蓿芽，好fresh。
另一款就偏中式，新鮮嘅萵筍加埋黑木耳，醬汁帶有少少麻辣，刺激味蕾。
套餐包一款手卷，二選一
我揀咗芒果牛油果苜蓿芽手卷，原來以為會好奇怪，入面都係苜蓿芽，點知食落好好味，有驚喜，佢嘅苜蓿芽有加少少沙律醬，所以唔會覺得好生，而且用芽菜代替米飯，唔會滯。
湯，一中一西，二揀一
我就揀咗中湯，姫松茸竹笙黃耳百合燉湯。湯勁足料，有幾種唔同嘅菇，所以好鮮甜，原來唔需要肉都可以燉到好好飲嘅湯。
主菜六選一
我揀咗牛肝菌松子菠菜忌廉意大利飯配吉列牛油果。個飯好好味呀，首先係入面好多菇，好香，仲有啲煮到好冧好入味嘅菠菜，加上香濃忌廉汁，好好味😋另外吉列牛油果都好香脆，正。
甜品都有幾款選擇，我就選擇加$28轉千層蛋糕，今期係椰香紫薯味，啲cream又整得幾滑幾好味，同出面買嘅甜品店有得揮😊
食齋其實都可以食得好好，餐廳將啲菜同菇處理得好好，帶出佢哋本身嘅鮮味同香味，而且食物多樣化，下次可以試其他菜式。
張貼
