影片
更多
2022-07-20
937 瀏覽
尖沙嘴日式鐵板燒餐廳三日月，主打鐵板燒套餐，不賣花巧，只憑簡單調味，在高溫鐵板上烹調日本和牛等環球優質食材，讓客人感受食材的原汁原味。現時餐廳夜市提供二款套餐，較受歡迎的是一人前鐵板燒套餐，包括極上一人前鐵板燒（$798）和三日月A5宮崎和牛鮑魚一人前套餐（$998）論性價比最高，非三日月A5宮崎和牛鮑魚一人前套餐鐵莫屬，有齊前菜，刺身，生蠔，鮑魚，茶碗蒸、鐵板燒日本蔬菜，野生白鱈魚或帝王虎蝦，主菜，鐵板炒飯、味噌湯和甜品。主菜可選擇A4鹿兒島和牛薄燒或+＄100 A5宮崎和牛 ，咁多嘢食真係性價比超高✨三日月A5宫崎和牛鮑魚一人前鐵板餐 $ 998▪️前菜三小點🍱豆腐 ， 茄子 ，煙燻雞肉豆腐加上少少醬油及芝麻，清淡得來又有好香濃嘅豆味，醬汁茄子好入味，加上木魚絲配搭好好食，最特別係煙燻生雞肉，入口好香濃嘅煙燻味，鹹鹹香香，雞肉有點像三文魚，口感非常唔錯▪️極上刺身 🐠赤蝦，拖羅，油甘魚，北海道帶子四款刺身非常新鮮和肥美，魚類切得好厚身，最驚喜係拖羅，油脂豐富，入口甘香 ，非常高質素▪️海葡萄沙律🥗新鮮蔬菜沙律，沖繩特產海葡萄配上日本酸醋汁，酸酸甜甜好開胃▪️日本北海道生蠔🦪生蠔大大隻好肥美
尖沙嘴日式鐵板燒餐廳三日月，主打鐵板燒套餐，不賣花巧，只憑簡單調味，在高溫鐵板上烹調日本和牛等環球優質食材，讓客人感受食材的原汁原味。現時餐廳夜市提供二款套餐，較受歡迎的是一人前鐵板燒套餐，包括極上一人前鐵板燒（$798）和三日月A5宮崎和牛鮑魚一人前套餐（$998）
論性價比最高，非三日月A5宮崎和牛鮑魚一人前套餐鐵莫屬，有齊前菜，刺身，生蠔，鮑魚，茶碗蒸、鐵板燒日本蔬菜，野生白鱈魚或帝王虎蝦，主菜，鐵板炒飯、味噌湯和甜品。主菜可選擇A4鹿兒島和牛薄燒或+＄100 A5宮崎和牛 ，咁多嘢食真係性價比超高
✨三日月A5宫崎和牛鮑魚一人前鐵板餐 $ 998
▪️前菜三小點
🍱豆腐 ， 茄子 ，煙燻雞肉
豆腐加上少少醬油及芝麻，清淡得來又有好香濃嘅豆味，醬汁茄子好入味，加上木魚絲配搭好好食，最特別係煙燻生雞肉，入口好香濃嘅煙燻味，鹹鹹香香，雞肉有點像三文魚，口感非常唔錯
▪️極上刺身
🐠赤蝦，拖羅，油甘魚，北海道帶子
四款刺身非常新鮮和肥美，魚類切得好厚身，最驚喜係拖羅，油脂豐富，入口甘香 ，非常高質素
▪️海葡萄沙律
🥗新鮮蔬菜沙律，沖繩特產海葡萄配上日本酸醋汁，酸酸甜甜好開胃
▪️日本北海道生蠔
🦪生蠔大大隻好肥美，口感爽脆，配生蠔嘅醬汁微微酸，令𧐢味更加突出，好食
▪️鮮活南非鮑魚
🧆鮑魚非常新鮮，未煮嘅時候仲係識郁嘅，師傅嘅手勢同埋掌握時間非常好，鮑魚只係落咗少少調味，味道非常鮮味，而且仲切開細細件方便進食
▪️茶碗蒸
🥚茶碗蒸蛋配上黑松露醬和魚子，好高貴，聞落去已經好香，蒸蛋非常之滑，味道亦食到好像有鮮雞湯嘅味，好好食
▪️深海野生白鱈魚
🐟白鱈魚唔似普通銀鱈魚咁滑，但質感好有口感 ，我個人比較喜歡這個質感，而且魚味比較濃，只需要用牛油加海鹽調味，好正
▪️帝王虎蝦
🦐係睇師傅表演嘅時候，師傅首先將蝦拆散晒，整熟之後再砌返埋一隻完整嘅蝦，好厲害，重點係將蝦頭嘅蝦膏整成醬汁，放在蝦肉既面，蝦肉彈牙不在話下，配上牛油蝦膏醬汁非常好食
▪️A4鹿兒島和牛薄燒卷
🐮和牛油脂豐富，入口即溶，卷上金菇，蔥花，增添口感，和牛卷分開四件，師傅教路可以點海鹽，酸汁，味噌汁，麻醬分別可以食到四個唔同味道，好細心，個人比較喜歡點海鹽同埋麻醬，海鹽可以食到牛肉本身嘅原味，麻醬比較香濃，配合金菇蔥花和牛肉一齊食，非常惹味
▪️鐵板燒日本野菜
🥦野菜分別有冬菇，南瓜，蓮藕，蘆筍，師傅只係用簡單嘅鹽同埋少少黑椒調咗未，仍然保留蔬菜嘅原汁原味
▪️酸梅櫻花蝦魚乾炒飯
🍚師父落咗好多櫻花蝦去做呢個炒飯，炒得好乾身，因為加咗酸梅嘅關係有點酸味味嘅感覺好得意，食到一半可以有另外一種食法，有鰹魚湯可以加喺炒飯一齊食，變成茶漬飯，鰹魚湯魚味香濃，配合炒飯一齊食原來咁好食
🍲▪️味噌湯
味噌湯材料滿滿，最鍾意有豆腐同埋海帶，調味好好，不愧為日本國民湯水
🍦▪️抹茶雪糕配朱古力醬及脆脆米
抹茶味雪糕非常濃郁，就咁食已經好好食，加埋朱古力醬及酸酸咪咪嘅脆脆米，更加豐富好味，為完美嘅餐作為總結
張貼
