影片
更多
2023-03-09
34 瀏覽
呢間喺尖沙咀嘅日本鐵板燒餐廳三日月，好耐之前都有嚟過，佢哋嘅CP值好高，所以成日都好爆滿，今日都唔例外，所以有興趣嘅話就要訂位。三日月極上一人前鐵板餐前菜三小點：雞肉刺身、豆腐同埋茄子。雞肉刺身嫩滑，豆腐配埋秘製醬汁更加清爽，茄子配咗木魚絲，味道剛剛好唔會太濃。沙律：清新怡人，帶點酸酸嘅醬汁，令人越食越開胃。極上刺身三點：三款刺身分別係赤身、油甘魚同埋牡丹蝦。赤身顏色呈好靚嘅亮紅色，魚肉味濃，肉質較扎實，油甘魚油香較濃，牡丹蝦口感彈牙，味道鮮甜。季節時分生蠔：係嚟自日本最時令嘅生蠔，有濃郁嘅海水味，肉質飽滿，口感好Creamy，唔洗加任何調味都經已好好食。鮮活南非飽魚:鮑魚非常新鮮，師傅喺鐵板煮嗰陣仲識得郁。鮑魚口感爽彈，鮮味十足而且配埋用新鮮海帶同埋鰹魚熬製嘅湯汁所做嘅芡汁，就更能突出鮑魚嘅鮮味。除咗鮑魚之外仲提供咗爽脆口感嘅鮑魚牙同埋口感綿密嘅鮑魚肝。茶碗蒸：蛋味濃郁，口感嫩滑，表面有魚籽同埋黑松露油，而底部仲有木耳絲增加口感。鐵板燒日本野菜：呢度嘅野菜都係由日本空運過嚟，保證新鮮度十足，入面會有南瓜、蘆筍、香菇、蓮藕等。野菜本身都好清甜，而且表面仲加添一層好香嘅松露油，令其香味更
三日月極上一人前鐵板餐
前菜三小點：雞肉刺身、豆腐同埋茄子。雞肉刺身嫩滑，豆腐配埋秘製醬汁更加清爽，茄子配咗木魚絲，味道剛剛好唔會太濃。
沙律：清新怡人，帶點酸酸嘅醬汁，令人越食越開胃。
極上刺身三點：三款刺身分別係赤身、油甘魚同埋牡丹蝦。赤身顏色呈好靚嘅亮紅色，魚肉味濃，肉質較扎實，油甘魚油香較濃，牡丹蝦口感彈牙，味道鮮甜。
季節時分生蠔：係嚟自日本最時令嘅生蠔，有濃郁嘅海水味，肉質飽滿，口感好Creamy，唔洗加任何調味都經已好好食。
鮮活南非飽魚:鮑魚非常新鮮，師傅喺鐵板煮嗰陣仲識得郁。鮑魚口感爽彈，鮮味十足而且配埋用新鮮海帶同埋鰹魚熬製嘅湯汁所做嘅芡汁，就更能突出鮑魚嘅鮮味。除咗鮑魚之外仲提供咗爽脆口感嘅鮑魚牙同埋口感綿密嘅鮑魚肝。
茶碗蒸：蛋味濃郁，口感嫩滑，表面有魚籽同埋黑松露油，而底部仲有木耳絲增加口感。
鐵板燒日本野菜：呢度嘅野菜都係由日本空運過嚟，保證新鮮度十足，入面會有南瓜、蘆筍、香菇、蓮藕等。野菜本身都好清甜，而且表面仲加添一層好香嘅松露油，令其香味更加突出。
鐵板嘅海鮮三選一，分別有深海野生白鱈魚、帝王虎蝦同埋需要加錢升級嘅日本白象找蚌（+$250）。
呢次揀咗帝王虎蝦。
帝王虎蝦：擺盤好精緻，而虎蝦口感彈牙，醬汁混合蝦膏一齊煮，令蝦味更加濃郁。
燒肉方面可以六選一，佢哋分別有鹿兒島黑毛豬肩、紐西蘭羊架、美國安格斯牛柳，而另外三款就需額外加錢升級，分別係鹿兒島和牛薄燒卷 （+$100）、A5信崎和牛西冷厚燒 （+$150）、天然頂級純種韓牛西冷 （+$150）。
我哋揀咗紐西蘭羊架
紐西蘭羊架：羊架火候控制得宜，做到皮香肉嫩嘅效果，而且一啲羶味都無，羊架經已搽咗燒汁，唔洗再用其他嘅調味都好好食。
主食亦有二選一，分別係鐵板炒飯同埋可升級為稻庭烏冬（+$10）。
我哋就揀鐵板炒飯：炒飯嘅用料好足，有白飯魚仔、櫻花蝦等，仲加入左酸梅醬一齊炒，食落有炒少酸梅嘅酸甜味。
而佢哋建議先食一半，留返一半可以加入高湯變成茶漬飯，再可以加少少日本芥末一齊食，酸梅嘅酸味會更加突出，可以有效中和整齊飯所帶嘅油膩感。
味噌湯：好有日本嘅風味，係好傳統嘅味道。
甜品：是日係荔枝雪糕，甜味剛好，荔枝味都好突出。表面仲有嘅脆粒，增添口感。
張貼
