禾璽牛肉海鮮火鍋

營業中

休息中

呢排經過尖沙咀赫德道，見到有間新開邊爐店，湯底都幾有特色幾吸引，有無花果雞湯、酸湯魚同冬瓜盅鍋底等等，而且而家仲做緊指定啤酒買一送一，於是今晚約埋朋友一齊食養生冬瓜盅冬瓜盅造型不得了，用上冬瓜做容器，湯底清甜，冬瓜肉嫩滑，湯底飲落好滋潤，帶有淡淡嘅清香，加上蟲草花同菇菌令湯變得更甜，未真正打邊爐已經飲左幾碗湯！打完邊爐再食埋入晒味嘅冬瓜肉仲正高鈣羊肉（大份）羊肉鮮嫩，肉質細膩，帶有濃郁羊肉香味，唔會太羶，肉片厚薄適中，煮熟後依然保持彈性，最特別嘅係羊肉中間帶脆骨，食落原汁原味招牌脆皮雞滾一滾15秒之後食最正，雞皮爽脆，肉質鮮嫩，配埋冬瓜湯底更突顯雞肉鮮甜新鮮雞雜雞雜新鮮，口感爽脆，帶有淡淡嘅雞香，唔會太腥。雞肝、雞腎等雜碎處理得好，無異味，食落有咬口，鍾意食內臟嘅朋友一定會覺得好正！蔬菜菌菇拼盤蔬菜新鮮，菇類香甜，拼盤入面嘅蔬菜同菇類種類多樣，更有平時打邊爐比較少見嘅水蓮、花生芽、栗子同馬蹄，款款都好清甜蝦仔油條油條香脆，蝦膠鮮甜，淥完之後油條仲保持外脆內軟，蝦膠彈牙，兩者好夾小酥肉酥肉炸得金黃香脆，肉質唔韌，可以蘸上茄汁或者孜然粉食，更加惹味，送酒一流！📌禾璽牛肉海鮮火鍋 (尖沙咀)