影片
更多
2025-03-31
0 瀏覽
同事推薦咗間高質西餐廳，性價比高，食物，環境同服務質素都好好。今日放假，就同朋友去試下！餐廳座位舒適，裝飾幾靚，氣氛唔錯。餐牌都好多選擇，叫咗火炙半熟三文魚伴紫蘇莎莎、牛肝菌露筍意大利飯、8oz美國頂級西冷、士多啤梨朱古力窩夫士多啤梨雪糕、熱開心果咖啡。落完單就有餐前麵包，麵包熱辣辣，每款包都好味，仲配埋牛油同士多啤梨醬。火炙半熟三文魚伴紫蘇莎莎 $148 😘三文魚外邊半熟，入面好新鮮，嫩滑，令到口感豐富。多款沙律菜，配搭醬汁，令人胃口！牛肝菌露筍意大利飯 $208😊意大利飯煮得剛剛好，好Creamy，吸收晒牛肝菌同芝士嘅香味！牛肝菌香濃突出，好鮮甜，加埋芝士嘅香味，每一啖都好香濃惹味。材料非常之多，有牛肝菌、芝士、磨菇、露筍、洋葱、紅椒等等，配搭唔錯，食落大滿足！8oz美國頂級西冷 $318😍牛扒叫咗五成熟，火候處理得好好，入口香濃，入面好鮮嫩Juicy，充滿住肉汁，牛味香濃，出色，好快就食晒！配菜仲有煙肉釀薯仔、粟米、蕃茄仔、蘆筍、白蘿蔔，每個配菜都煮到好鮮嫩到位！士多啤梨朱古力窩夫士多啤梨雪糕 $88🥳窩夫外脆內軟，好有蛋香味，唔會太乾身。Movenpick士多啤梨味雪糕，仲配埋
餐廳座位舒適，裝飾幾靚，氣氛唔錯。
餐牌都好多選擇，叫咗火炙半熟三文魚伴紫蘇莎莎、牛肝菌露筍意大利飯、8oz美國頂級西冷、士多啤梨朱古力窩夫士多啤梨雪糕、熱開心果咖啡。
落完單就有餐前麵包，麵包熱辣辣，每款包都好味，仲配埋牛油同士多啤梨醬。
火炙半熟三文魚伴紫蘇莎莎 $148 😘
三文魚外邊半熟，入面好新鮮，嫩滑，令到口感豐富。多款沙律菜，配搭醬汁，令人胃口！
牛肝菌露筍意大利飯 $208😊
意大利飯煮得剛剛好，好Creamy，吸收晒牛肝菌同芝士嘅香味！牛肝菌香濃突出，好鮮甜，加埋芝士嘅香味，每一啖都好香濃惹味。
材料非常之多，有牛肝菌、芝士、磨菇、露筍、洋葱、紅椒等等，配搭唔錯，食落大滿足！
8oz美國頂級西冷 $318😍
牛扒叫咗五成熟，火候處理得好好，入口香濃，入面好鮮嫩Juicy，充滿住肉汁，牛味香濃，出色，好快就食晒！
配菜仲有煙肉釀薯仔、粟米、蕃茄仔、蘆筍、白蘿蔔，每個配菜都煮到好鮮嫩到位！
士多啤梨朱古力窩夫士多啤梨雪糕 $88🥳
窩夫外脆內軟，好有蛋香味，唔會太乾身。Movenpick士多啤梨味雪糕，仲配埋藍莓、士多啤梨、士多啤梨醬同朱古力醬，每一啖都大滿足，餐廳仲好有心機用朱古力寫字，真係好窩心！
熱開心果咖啡 $42
咖啡味香濃，仲好香開心果味，幾好飲！
張貼
